首頁 arrow 綠色短評 arrow 宋楚瑜實在有夠bē見笑!

宋楚瑜實在有夠bē見笑! PDF 列印 E-mail
發表者 李南衡   
2010/11/01, Monday
        自從2004年總統大選配連戰作副總統候選人落選,koh tī2005年競選台北市長the̍h五萬外票以後,真濟台灣人差不多已經記得有宋楚瑜chit-êah,最近那會尻川ngiau koh佇各種媒體頂面出現?原來伊是借高雄市長候選人楊秋興ê台來吸引媒體ê注意。一個已經退時消風ê政客beh按怎臭彈伊早前按怎,是伊個人ê自由,m̄-kú若牽涉tio̍h台灣前途kah利害關係,tio̍h變作台灣人ê代誌。

        十月二四,宋楚瑜佇一個電視訪問節目頂面講:包括九二共識、台灣不獨中國不武、台灣國際空間、自由貿易區,攏是伊tī 2005年見胡錦濤ê時所爭取來ê。宋楚瑜可能記得ahhit當時胡錦濤對伊ê高度肯定干單一點niā-niā,就是宋楚瑜反對台獨ê立場,以外,有一項是宋楚瑜會tàng展寶ê

  逐個攏知影,「九二共識」2000年拄beh落台ê中國國民黨政府ê陸委會主委蘇起發明ê,伊講了後,九二年參加會談ê台灣代表辜振甫先生kah當時ê總統李登輝先生攏講無hit號啥物「九二共識」。去查1992年到2000年之間,台灣中國攏查無「九二共識」chit-ê名詞,證明有影是八年後蘇起tehê白賊。好笑ê是,親民黨主席宋楚瑜kah中國共產黨總書記胡錦濤兩個人明知「九二共識」是無影無跡ê代誌,竟然會tàng共識一個白賊話是真êChe兩人一定是想講白賊話若khah濟人講、定定講tio̍h會變作真ê

   台灣chit五年來恬chi-chiⁿ、連喘氣mā m̄敢出聲,中國向(ǹg)台灣ê飛彈卻逐年增加,今年已經超過一千四百外粒ah!中國總理溫家寶佇美國假好心講:「有一工,向台灣ê飛彈一定會撤銷。」伊減講一句:撤銷進前一定會繼續增加,請台灣tio̍h愛戇戇仔等!宋楚瑜講伊向胡錦濤所爭取來ê中國不武,真正ê意思是啥物,講一下來聽!

  2008年馬英九就任總統以來就大聲喝:外交休兵!真濟台灣人想講中國國民黨可能已經kah中國共產黨講好ah!台灣若外交休兵、中國就bē koh佇國際上打壓台灣,會hō͘台灣一個生存空間。事實上是打壓愈來愈嚴重,連十月二三東京影展hit種文化活動都放你煞!有藍色名嘴講,中國代表團長江平是細腳ê、而且he是伊個人行為。十月二二中國國台辦主任王毅佇美國講:「台灣若想beh參與國際組織一定tio̍h透過北京,台灣想beh chhoē歐美國家支持是無效果ê!」借問一下,王毅算是大腳á是細腳?伊按呢講是伊個人行為?che就是宋楚瑜所講ê伊向胡錦濤所爭取來ê台灣國際空間。

  對chit幾點來看,咱就知影,宋楚瑜實在有夠見笑!

最後更新 ( 2010/11/01, Monday )
 
< 前一個   下一個 >