首頁 arrow 綠色短評 arrow 國旗國旗我愛你!

國旗國旗我愛你! PDF Print E-mail
Written by 李南衡   
Monday, 01 November 2010
        戰後出世、也就是五十六歲以下ê台灣人,生出來tio̍h生活佇中國國民黨殖民統治下面,chit六十外年來殖民教育教講:咱ê國名是中華民國、咱ê國旗是hit面青天白日滿地紅ê旗仔,殖民統治佇戒嚴令配合之下ê白色恐怖,殖民教育真成功咱台灣chiah-ê戇百姓教kah乖乖乖、信信信,逐個都ùi心肝底相信:咱tio̍h愛咱ê國家、大聲唱講:國旗國旗我愛你!攏無去懷疑寄生佇台灣chit-ê中華民國是是咱ê國家?掛車輦hit面旗仔是是咱ê國旗?         一直到1987年解除佇台灣實施三十八年久、破世界紀錄久長ê戒嚴令了後,台灣人才敢自由思考,才開始有小部份ê人懷疑中華民國敢是咱ê國名?hit面旗仔敢是咱ê國旗?事實上到今仔日,猶koh有真濟台灣人深信中華民國是in ê國名、hit面青天白日滿地紅ê旗仔是in ê國旗。

  

        2001年舉辦亞洲盃女子腳球賽,台北市長馬英九阻止觀眾chah國旗入場,2005年台日韓棒球邀請賽台北市長馬英九叫警察入會場搜查國旗,仝一年台北市舉辦台灣汽車金卡那國際大賽、第六屆亞青柔道錦標賽,攏禁止觀眾夯國旗入場,20077月亞洲男子排球四強邀請賽、嘉義市長黃敏惠禁止觀眾chah國旗入場,200811月第二遍江陳會陳雲林來台灣,有民眾夯國旗去「歡迎」hō͘警察強力搶去,12月中國送貓熊來台北市立動物園、動物園自動大門口ê國旗降落來,20106月宜蘭縣長林聰賢chhoā羅東高中師生去桃園機場迎接來童玩節表演團隊,機場警方叫in kā國旗收起來。201010月,開南大學舉辦亞洲大學男子籃球錦標賽,有學生佇觀眾席上後壁夯國旗,大會裁判李鴻棋叫in tio̍h kā國旗收起來、koh講白賊講是in按呢會影響後面ê觀眾。開南大學生火to̍h第二工歸校園攏插國旗,中國隊爽歸台車駛離開無參加決賽坐飛機轉去中國。

  Khah離譜ê是關係chit件代誌,行政院長吳敦義佇立法院答詢ê時應講:「有人刁故意夯一面國旗beh惹紛爭。」代表國家ê國旗夯出去國外都真衰bái ah,那會連佇家己ê土地頂面也使夯,連全國上懸ê行政首長吳敦義都講hitsiáu話,hō͘ koh khah濟人思考國旗chit-ê問題。

        咱是是會使ùi今仔日起攏mài kohhit枝旗仔,咱來設計會tàng代表台灣、代表台灣人ê一面旗,攏mài kah任何政黨ê標誌記號有關聯。無論代表台灣ê啥物比賽á是集會,逐個和齊攏夯hit枝旗仔hō͘颺颺飛,夯久逐個tio̍h會慣勢tio̍h會認同。等有一工,咱真正建立家己ê國家,hit枝旗自然就變作咱ê國旗,咱m̄-nātàng堂堂夯家己ê國旗,kohtàng大聲喝講:國旗國旗我愛你!

 
< Prev   Next >