首頁 arrow 綠色短評 arrow 目屎含tio̍h起chhoh!

目屎含tio̍h起chhoh! PDF Print E-mail
Written by 李南衡   
Friday, 12 November 2010

十一月初八,「搶救台灣大聯盟」全台巡迴演講,來到《征戰百場.改變台中》chit場,政論談話性節目主持人鄭弘儀佇演講中講起,現此時台灣申請助學貸款ê大學生kah研究生有八十萬人,甚至有學生暗時佇加油站作工讀生,是按怎咱政府卻hō͘中國來台灣ê研究生一個月三萬箍、hō͘中國來台灣ê藝術家一個月六萬?台灣農民辛苦收成ê粟仔一斤八箍,生活真歹過,是按怎農委會農糧署無幫助in卻補助台北市辦花博三十五億、買花干單兩億niā-niāchhun-ê the̍h去起展覽會場臨時厝?講到chia,鄭弘儀目屎含tio̍hchhoh

 
按呢ah!天崩落來ah!第二工開始統派各種媒體kah藍營名嘴總攻擊,拚勢程度hông想講inteh反攻大陸,刣鄭弘儀刣三四工猶放伊干休。
  
看電影《顏智(Gandhi)傳》,伊一生為tio̍h印度ê獨立kah自由,採取無合作無抵抗手段,呼籲逐個拒絕暴力tio̍h用「愛」來對待別人1948年一月三十,七十九歲ê顏智,煞hō͘一個狂熱分子開銃拍死,一生主張和平ê聖者卻死佇暴力下面。我佇暗bong-bong ê電影館內底,目屎含tio̍hchhoh
  
電視報導美國人權運動史,看tio̍h 1963年八月二八,烏人牧師馬丁路德金佇美國首都帶領大遊行ê時發表〈我有一個夢〉:有一工chit-ê國家真正實現人人平等;烏人ê囡仔kah白人ê囡仔親像骨肉手牽手向前行;有一工咱一定會得tio̍h自由。1968年四月初四,piáng」一聲,有人開銃伊彈死,結束伊三十九歲ê性命。我看kah目屎含tio̍hchhoh
林義雄因為美麗島事件hō͘警備總部關佇監獄,1980年二月二八,歸日嚴密監視tiâu-tiâu林義雄ê厝裡,歹徒竟然有法度入去,刣死林義雄ê老母kah一對六歲大ê雙生仔查某子,大查某子mā hông刣六刀、好佳哉急救了後無死。看電視新聞報導,我目屎含tio̍hchhoh
  
今年六月初九透早四點,苗栗縣政府派怪手開入去竹南大埔kā teh beh收成ê稻田lu-lu掉,兩三百個警察農田圍tio̍h m̄ 准農田ê主人近倚去,我看電視看kah目屎tio̍hchhoh。電視報導大埔七十三歲ê朱阿媽bē-tàng去家己ê田園作穡,十月十五自殺來表達無言ê抗議。我koh一擺目屎含tio̍hchhoh
知到tang時,愚戇ê人類才學會曉互相疼痛、親像兄弟姊妹按呢做夥生活?才學會曉mài koh做出會hông目屎含tio̍hchhoh ê代誌?知到tang時,台灣ê各級政府才學會曉mài koh做出會hông目屎含tio̍hchhoh ê代誌?知到tang時,台灣人才學會曉選出做出hông目屎含tio̍hchhoh ê政府?
Last Updated ( Saturday, 13 November 2010 )
 
< Prev   Next >