首頁 arrow 綠色短評 arrow 五都市長選舉無全嬴,真無彩!

五都市長選舉無全嬴,真無彩! PDF 列印 E-mail
發表者 李南衡   
2010/11/29, Monday
        十一月二七,台灣五都市長選舉無全嬴,hō͘真濟人感覺意外。

 

        咱ùi大環境講起,馬英九總統執政兩年半以來,一直向中國hit旁欹過去,而且chit兩年半,台灣人ê生活愈來愈báihō͘台灣人失望kah受氣,應該會表現佇選票tio̍h,但是chit遍佇台北市kah新北市ê選民,那像表現了無真理想。

        第二,民進黨chitê選舉戰略實在值得咱肯定。照蔡英文主席ê講法:選舉是一種政黨之間ê競爭,是對政治治理能力ê一種檢驗。所以原本民進黨執政ê大台南市kah大高雄市就提出政績來展。台中市、新北市kah台北市就要求改變。因為伊真清楚:台灣ê民主必須要提升到一個koh-khahê層次,伊ê選舉戰略是軟索牽豬,用柔軟ê手段,用輕聲細說ê方式,民進黨beh hō͘人民一個安全感、一個歸屬感,beh保護照顧弱勢者、beh hō͘弱勢者作倚靠等等ê治理理念清清楚楚講hō͘選民瞭解認同、支持。民進黨ê軟索放長長,hō͘中國國民黨完全無發覺已經hôngtio̍h ah。致使一寡頭殼khōng-ku-lí ê藍營評論家名嘴完全看無,罵講chit遍民進黨五都市長選舉,一點仔都無sêng民進黨傳統ê選舉,甚至推論講:台北市長候選人蘇貞昌kah新北市長候選人蔡英文是選假ê,講in真正ê目標是二0一二年ê總統副總統!上高明ê是蘇貞昌kah蔡英文攏無愛插inhō͘藍營想beh攻擊in兩位無地下手、罵無路來。真可惜,選舉前兩工,民進黨秘書長知是驚人懷疑伊是啞口á是按怎,無代無誌講五都市長選tiâu ê人二0一二年當然有資格出來選總統,咱實在知伊講che beh創啥?hō͘中國國民黨掠tio̍h話柄有夠歡喜,選前一工佇各大報刊登全版廣告攻擊蘇貞昌Kah蔡英文是真心teh選市長,無論蘇貞昌kah蔡英文按怎解說按怎辯解,是害一寡原本behin一票ê中間選民失去支持ê熱情。Koh選舉前一暗發生銃擊連勝文事件,明明警政署講銃擊案kah選舉無關係,但是堪得藍營媒體藉題發揮,一直講che是民主ê恥辱,害一寡chit遍原本beh支持民進黨ê中間選民搖頭,認為「選人頭」選kah變作「拍破人頭」ē野蠻作法,人真siān煞無愛出來投票。

  

        好佳哉大台中市蘇嘉全拚kah小輸,大台南市kah大高雄市選民無受影響,民進黨大嬴,人民認同kah阿佬綠色執政品質保證,大台南市賴清德the̍h超過六十葩ê選票,大高雄市陳菊the̍h超過五十二葩ê選票,超過退黨競選ê楊秋興鬥中國國民黨提名ê黃昭順兩人ê票。in hit兩個人teh拚第二名知啥意思?

  總是因為民進黨chit五位市長候選人ê拚勢,鬥起來ê總票數嬴過中國國民黨ê總票數四十外萬票。咱才會講:五都市長選舉無全嬴,真無彩!

 
< 前一個   下一個 >