首頁 arrow 綠色短評 arrow 馬英九那像十二月尿桶-盡拚?

馬英九那像十二月尿桶-盡拚? PDF Print E-mail
Written by 李南衡   
Friday, 14 January 2011
        西洋建築kah日本建築猶未傳入台灣進前,無管是好額人ê大瓦厝抑是散赤人êkat厝,便所攏另外起佇厝外。半暝仔特別是寒天時起來放尿,寒siuh-siuh誠無通。siáng想出一個變通辦法,佇厝裡房間內囥一腳大腳尿桶。早前舊式建築ê窗仔攏作細細仔,koh定定關tiâu-tiâu,致使房間內氣味真bái。平常時雖然teh拚掉清洗,總是那像無逐工拚隨時洗ê款。總是舊曆過年behah,歸間厝大拚掃ê同時,mā kā尿桶拚洗kah清清氣氣。所以台灣才有「十二月尿桶-盡拚」chit句孽仔話。

        馬英九總統ê座位那像十二月天hiah冷,伊ê信任度、支持度那像西北雨、直直落,就任以來大細項選舉中國國民黨見選見輸。伊無想beh tī路尾chit年,兩年半任內臭尿桶拚拚洗清氣,͘台灣人一個好印象。無,臭作你台灣人去臭,歹日子作你台灣人去過。伊干單想tio̍h 2012年總統大選,伊上尾仔年半tio̍h盡拚,啥物手段都無管,目標掠tiâu就是beh拚連任。

        第一拚就是「十八葩」,原本軍公務人員薪水低,退休金兩種領法,繼續按月領部分薪水、而後toè teh調薪;另一種是一遍領清,恐驚死窟水食久會焦,訂一個優惠存款辦法,當時一般銀行存款利息十二葩,加五成、訂作十八葩。官愈大作愈久ê人存款額愈大,真無合理。阿扁總統執政ê 2006年,改作上懸有偌濟ê制限。而且當時chit-ê十八葩優惠存款ê案只不過是一個行政命令、是法律,會使更改內容。Chit遍馬英九下令立法院立法通過chit-ê案成作法律,引起逐個不滿上主要ê原因是:既然beh立法,應該考慮優惠存款葩數,十八葩是死ê、會tàng修改,kah現此時才一葩二niā-niā ê一般銀行存款利息比起來相差十五倍,無合理。第二,每人優惠存款上濟有制限koh kā廢掉;第三,早前中國國民黨黨官轉作公務員,in服務年資攏算算參落去,當然無合理。總講一句就是無合社會公平正義。一下hông質疑,考試院長關中講:公務員是普通人。最近koh講,絕大多數領十八葩優惠存款ê攏是貧苦人民,政府照顧in有啥m̄-tio̍h?伊講新立法ê十八葩法案,會͘政府省偌濟錢,結果全台二二縣因為十八葩利息會增加支出三十三億。關中到底是tangùi tó一粒星落落來台灣ê外星人?

        第二拚是beh kā軍公教人員加薪水。加一葩,政府tio̍h加開七十一億、加三葩,政府tio̍h加開二百外億。事實上,今年政府tio̍h借債四千外億,到年底借債總額會到四兆九千六百億。大官虎講政府應該負擔會起!借債來加軍公教人員薪水?完全為tio̍h 2012年大選買收八十外萬軍公教人員!按呢拚敢tio̍h

 
< Prev   Next >