首頁 arrow 綠色短評 arrow 監察委員會曉創啥?

監察委員會曉創啥? PDF Print E-mail
Written by 李南衡   
Tuesday, 08 February 2011
        衛生署長楊志良講beh辭職講了koh講,講kah無啥人愛信ahchit遍真正辭掉,顛倒͘人驚tio̍h。伊beh離職ê前兩工,大砲向監察院彈去,m̄是離職了才「尻川後X死皇帝」,算是小可會hông阿老得。伊開砲講:監察委員權傷過大,連豬血粿都beh管,連狗飼料有含黃麴毒素也提出糾正。伊講:監察院ùi chū年五月到舊年十月,一年半ê時間,函詢、糾正、調查衛生署案件有七百五十八件,害衛生署舞kah phī-phē喘,攏總開國家ê錢一千六百外萬。台灣稅制足爛,稅收比例傷低,政府欠錢只好直直發行公債,債留͘子孫,監察院卻m̄去管。檳榔致癌ê危害偌呢大,監察委員m̄敢去關心檳榔防制政策,敢講是驚檳榔業者人濟勢強?干單敢修理衛生署小公務員niā-niā

 

        楊志良前署長講chiah-ê話並無m̄-tio̍h。總是「牛就是牛,牽到北京是牛。」Beh落台ah,楊志良烏白講講話ê本性猶原改掉。伊罵監察委員拍胡蠅拍kah誠雄、m̄敢拍虎。借問一下,你楊志良͘監察委員拍kah按呢,你敢是胡蠅?若m̄是,監察委員tang時仔bat拍過一隻胡蠅?講來聽看māi

  

        2009年莫拉克風颱造成嚴重災害,國土規劃、水利管理ê河川疏浚kah盜採沙石、山坡地開發、內山偷剉柴、四界種檳榔、水庫管理等等,監察院若beh糾正彈劾,至少有幾十個部會單位有代誌。無,攏無代。好查ê m̄查,大規模去調查氣象局。講調查kah氣象人員專業無關係,是氣象局無即時提出強koh有力ê預警,發布警報決策傷潦草,嚴重失職。那無,行政院長劉兆玄那會去剪頭?秘書長薛香川那會去食糜咧!koh講,氣象局報氣象報kah hō͘老百姓聽m̄-bat,就是專業傲慢!奇怪哦!舊年ùi馬英九總統、行政院吳敦義院長到各部會主管,全台去辦ECFA說明會,講kah老百姓攏聽m̄-bat。那會無聽監察委員講一位官員「專業傲慢」咧?中央氣象局預報中心主任吳德榮͘監察委員糟踢,辭職。監察委員老人目花花,想講是拍死一隻胡蠅,事實是拍死一隻蜜蜂。

  

        楊志良前署長確實m̄知影監察委員會曉創啥,伊才會烏白亂講。有人笑講監察院是關蠓仔院、有人笑講監察院是老人院。講tio̍h老人院,隨時͘咱想起前無偌久,監察院長王建煊佇上班時間伊ê新冊發表會中,當一寡少年查某記者面頭前,比腳畫手teh講老人ê性生活-也就是講老人佇眠床頂tio̍h按怎變猴弄。一個chiah呢無體統ê老人teh作監察院長,咱會tàng期待監察委員創啥?

        無人期待監察委員會tàng拍虎抑是拍胡蠅。老實講,監察委員若mài烏白拍蜜蜂就真佳哉!

 
< Prev   Next >