首頁 arrow 綠色短評 arrow 應該按怎稱呼中國?

應該按怎稱呼中國? PDF Print E-mail
Written by 李南衡   
Friday, 11 February 2011
        清國時代,咱真濟人ê先祖過烏水溝拚生死來到台灣,因為清國政府採取海禁,所有來台移民開墾êbē tàng chhoā某子做陣來,莫怪若拄tio̍h年節單身一人會哀怨:「唐山過台灣,心肝結歸丸。」無m̄-tio̍hhitê人就是稱呼海峽hit旁叫作「唐山」,稱呼ùi唐山來ê人叫作「阿山」,並無歹意。

        早前日本人稱呼hit-ê所在「支那」,聽講是ùi古早ê秦國「秦仔」演變來ê,現代ê中國人認為按呢稱呼是悔辱in,人爽,咱tio̍h mài按呢kâng叫。

        中國國民黨政府拍輸中國共產黨走路來台灣,煞講一九四九年建國ê中華人民共和國是匪偽政權,叫hit-ê所在是「中共匪區」抑是「淪陷地區」,按呢叫幾十年,叫kah誠順嘴真滑溜。兩旁開放來往了後,koh按呢叫--tio̍h無意思ah!所以大部分ê台灣人轉嘴叫in「中國」。

        有一寡人beh認賊作老父,一定beh叫中國是「祖國」,hein ê自由。最近那像有一寡去中國唱歌表演ê歌星藝人,轉來台灣了後,出嘴tio̍h講「內地」按怎,聽tio̍h真鑿耳。早前日本殖民統治ê台灣、朝鮮半島、滿州等外地人,稱呼日本本土叫作「內地」,日本人叫作「內地人」,台灣人叫作「本島人」。台灣並是中華人民共和國ê殖民地,是按怎講in是內地咧?話使按呢烏白講。我有一遍去中國,一位中國人kah我講tio̍h中國日日進步ê時,一定講「國內」按怎按怎,講歸晡,我應講:你講中國是「國內」,意思真明,台灣當然是「國外」囉!我看伊直直beh哭出來,講:拜託你m̄-thang--我。

        二月初七(舊曆新正初五),馬英九總統佇新春茶會頂面宣示,為tio̍h堅持「九二共識」,而且維護我方主權,未來政府機關文書用語一律稱「對岸」抑是「大陸」,使稱作「中國」,以免產生「兩個中國」ê主權舞kah茹駕駕。哇哇哇!馬英九講chiah-ê話一點仔都無sêng一個總統。那會使koh the̍h hit號根本無ê「九二共識」出來講咧?我「國」主權敢講、講啥物我「方」主權咧?對岸,台灣ê對岸誠有thang對咧,會使對菲律賓、會使對日本,若真正beh對會使對到美國!稱呼中國叫作「大陸」,實在是m̄-bat字!你chhoē任何百科全書、大辭典,若講tio̍h大陸,攏是指世界六大「大陸」:歐亞大陸分作兩個-亞洲大陸kah歐洲大陸、非洲大陸、北美洲大陸、南美洲大陸、kah澳洲。講「中國大陸」會使講是重倍m̄-bat字,真正是m̄-batkahthang賣!

        應該按怎稱呼「中國」?馬英九聲聲句句講beh kah世界「接軌」,全世界按怎稱呼中國?當然是「中國」。那像全世界按怎稱呼台灣?當然是「台灣」!

 
< Prev   Next >