首頁 arrow 綠色短評 arrow 胡志強震怒為mih代?

胡志強震怒為mih代? PDF 列印 E-mail
發表者 李南衡   
2011/03/11, Friday
        三月初六晚,台中市ALA PUB火災,造成九個人葬身火窟、十二個人輕重傷ê慘劇,聽講台中市長胡志強震怒。伊講,已經開始調查,等調查清楚才來追究責任。伊koh使照情緒來追究責任,無應該分藍綠。真濟人認為伊會講chit款戇話真有可能大火ê頭殼燒歹去ah。不過逐個khah關心ê是:胡志強那會hiah愛震怒?chit遍震怒為mih代?

 

        火燒ê第二工,胡市長講,我實在知是按怎會發生chit款代誌。已經做兩任台中市長koh延長一冬,當選大台中市長就任已經過了兩個外月ah,鬥鬥一下台中市長做beh歸十冬。講「知是按怎會發生chit款代誌」,講tio̍h那像新手上路。敢是因為無想tio̍h家己會講chiah幼稚ê話,才震怒?

        Chit間火燒店,五年來經過二十一擺安全檢查攏合格,會堪得講是模範夜店,那會一燒就燒死九條人命?安全檢查是按怎檢查ē?那會合格?chit五年攏是胡志強本人作市長,敢是因為bē-tàng推責任͘前朝民進黨,胡志強才震怒?

        十二年前向台中市政府辦理營業登記ê「哈克飲料店」,那會佇胡志強市長任內變作飲酒êPUB”咧?到底是市政府ê啥物單位變ê把戲?抑是一個魔神仔變ê魔術?台中市政府無一個人知影?抑是照台中市經濟發展局長所講ê經濟部對商業登記放鬆,就是kah營業項目無符合無罰則、市政府真歹管理?是是因為無法thang管,胡志強才震怒?

 

        佇住宅區開一間飲酒作樂êPUB”,三年來市政府聯合稽查九擺,竟然無人發現chia有違反土地分區使用?敢是因為違反土地分區使用佇聯合稽查評分中所佔ê比率真低,就放目͘過?竟然無人發現chit間建物完全無窗仔?無人認為逃生門干單一個niā-niā傷少,無人看出消防濺水設施無夠?是是懷疑聯合稽查人員目睭攏͘蜊仔肉糊tio̍h,胡志強才震怒?

        胡市長當teh煩惱kah受氣伊hit烏紗帽戴在,氣kah話都講出來,已經大聲講「大悲無言」講幾擺ah,真歹運kohtio̍h一寡識字ê記者一直問東問西,活beh--死,所以胡志強才會震怒?

        Chithà tio̍h火舌才引起大火ê是泡棉,逐個攏知影泡棉真快引火著火,有人質疑chit種物件那會使用來裝潢天房咧?台中市政府官員應講:泡棉並是建材,所以阮無法度管伊。Chit款話你會tàng聽幾句?是kah咱仝款聽了真礙謔,胡志強才震怒?

        胡志強震怒為mih代?真正原因可能tio̍h問足愛震怒ê馬英九才會知!

 
< 前一個   下一個 >