首頁 arrow 綠色短評 arrow In敢是人?

In敢是人? PDF Print E-mail
Written by 李南衡   
Friday, 18 March 2011
        三月十一,日本宮城縣發生九級大地動,幾十秒了後隨時引起驚人ê海漲(英語用日語叫作津波Tsu-nami、中國話叫作海嘯),電視報導ùi空中所翕ê實況,͘咱看tio̍h海漲按怎沖走海頂ê船上陸、按怎沖走陸上êkah車輛,一下仔久,山崩、地裂、厝倒、橋斷,有偌濟人受災害?人,實在傷過渺小,渺小kahbē-tio̍h。續落去koh引起日本東北地區幾座核能發電廠發生事故。佇攝氏0度以下、koh落雪、寒siuh-siuh ê天氣下面救災,干單會tàng用「悲慘」兩字來形容。

 

        新聞報導有偌濟人死亡、tio̍h傷、失踨,ùi幾十個變幾百個幾千個,每工都teh增加猶煞。每一個teh chhoē親人ê人心急kah若像火teh燒。有影是beh哭無目屎。相信全世界看tio̍h chit種報導ê人,攏會心酸目眶紅。咱台灣ê救援隊第一時間就拚去日本,無國界醫師組織隨時趕到。全世界各所在ê人攏teh發起捐款、捐物資,緊beh kā溫暖送去日本災區,發揮人類愛。

        日本大地動消息傳到全世界ê時,中國網友佇網路頂面發出「賀電」「熱烈慶祝」日本地動,是三五個人,竟然有上百萬條!講:希望對中國無友好ê日本右派佇地動中攏總去見鬼!講chit款,話in敢是人?in敢真正知天災地變若來,那有teh分種族、國籍、宗教信仰、身分、散赤好額、koh khah無分啥物右派左派。報導講,地動當時佇日本宮城縣ê中國人有三萬外人neh!中國是按怎教育學生、教育青年?老師敢攏無教in「仇恨會͘生命烏暗,仁愛會͘生命發光。」美國人權鬥士馬丁路德金講ê chit句話?一兩個人心懷仇恨都已經真悲哀ah,何況是一個有歸百萬人甚至koh khah濟人心懷仇恨ê國家,是偌呢可憐?

        真不幸,佇台灣,三月十二,中國國民黨立委黃昭順辦公室主任趙志勲,佇伊ê「面冊」(face book)頂面po文講:為什麼愛援助日本?釣魚台先還來再考慮,叫狗輝kah狗齡捐錢啊,狗ê祖國。伊ê好友回應建議國軍會使chhūn機會出兵釣魚台。趙koh po文講:我khahbeh進攻東京,刣in幾千萬人。續落去伊家己koh講,修正,是刣日本狗。

 

        孟子講:看人不幸痛苦無同情心ê、做歹做m̄-tio̍h bē歹勢知見笑ê、無相讓ê、無是非êin m̄是人。孟子並無講in是啥。有人罵chit是人ê是禽獸。

        有一位攝影家佇非洲Kenyatio̍h一支紀錄片,三隻花豹看tio̍h一隻跛腳ê羚羊,inkā jiok、無咬、無食,反轉kā chhoā來身軀邊惜。͘ chit位攝影家看kah真感動,翕起來͘全世界ê人看講啥物是禽獸。

        按呢你tio̍h知,無同情心ê m̄是人,mā m̄是禽獸,應該講是:禽獸不如!

 
< Prev   Next >