首頁 arrow 綠色短評 arrow 做黟誠實追求非核家園!

做黟誠實追求非核家園! PDF Print E-mail
Written by 李南衡   
Saturday, 02 April 2011
        三月十一,日本宮城縣大地動koh大海漲,咱ùi電視新聞報導看tio̍h山崩地裂、厝倒車流人失踨ê慘景,會hông驚會hông chhoahhông心酸目眶紅。無疑誤koh khah悲慘ê意外才拄仔開始-福島核能發電廠因為大海漲引起ê核災。m̄-nā救援物資敢送去͘緊急撤退出三十公里外ê災民,核電廠ê災變一工比一工khah嚴重,一座一座相續出代誌,致使核電廠輻射污染影響到日本國內,續落去影響到全世界,͘世界各國愈來愈煩惱愈驚惶。

 

        日本核災͘全世界有機會koh一遍冷靜思考:核能發電敢是上好ê選擇?世間敢有絕對安全、那像坐佇蓮花座頂面ê觀音hit號核能發電廠?敢有萬無一失ê安全防護設施kah救災方法?若無,核災污染經由空氣、水kah土,會͘全世界ê人加加減減受tio̍h影響,͘幾若代ê子子孫孫tio̍h災受苦。

        Ti 1986年車諾比核電廠出代誌了後,德國就開始煩惱萬一核電廠若發生災變beh按怎?經過深入研究討論,十年前德國政府才畫出了一個願景:希望會tàng tī 2021年進前完全放棄核能發電。2010年德國政府修改願景延期十二年到2033年,但是因為chit遍日本大地動kah大海漲引起核災,德國政府趕緊重新評估chit-ê願景,而且決定投資數十億歐元研究開發新能源。目前德國電力有二三葩是倚靠核能發電,比七十葩依靠核能發電ê法國加真有可能達成無核家園ê願景。

 

        台灣tī chit-ê關鍵時機,爭取民進黨總統候選人提名ê蔡英文好膽the̍h起早前藍綠雙方有過共識ê願景:非核家園。伊只不過加一個時間點2025 niā-niā,隨時引來藍營ê大聲攻擊、侮辱kah恥笑,講啥物若無核電台灣ê工業beh按怎發展落去?核四廠起好無運轉,m̄-nā損失已經開去ê兩千外億,猶tio̍h koh損失幾若倍ê錢!真奇怪,in 那會無beh好好聽清楚蔡英文講話ê內容咧!

        蔡英文講,既然非核家園是逐個ê共識,按呢咱tio̍h kā訂一個時間2025年作目標、猶有十四年thang拍拚,並是講核電廠喝停就停。一方面咱來發展各種再生能源:風力、太陽能kah其他能源;一方面來提醒全民節約用電以外,koh檢討高耗能、高污染工業ê存廢問題,台灣將來beh按怎行,應該經由社會對話、討論來達到共識。咱佩服蔡英文ê所在是伊敢kā chiah呢要緊ê代誌the̍h出來請逐個來思考、來討論,驚燙tio̍h家己。無親像中國國民黨thiau故意核能發電廠ê問題囥佇邊仔無愛插伊、敢摸伊,講白賊、掩蓋事實,講是維持現狀。In ê做法是存心放͘伊爛,問題是核電廠kah核廢料,攏是三代ê才是害。

        真正疼惜台灣chit塊土地ê人,攏應該誠實來追求非核家園!

 
< Prev   Next >