首頁 arrow 綠色短評 arrow 中華民國紅十字敢會交仗得?

中華民國紅十字敢會交仗得? PDF 列印 E-mail
發表者 李南衡   
2011/04/10, Sunday
        日本大震災,台灣人發揮愛心捐款救災,真濟人錢交互「中華民國紅十字會」請in轉交͘「日本赤十字社」,啥知「中華民國紅十字會」並無將所募來ê新台幣十七億全數交͘「日本赤十字社」,干單滙出美金一千五百萬、也就是大約新台幣四億三千五百萬niā-niā。有人問講是按怎無將新台幣十七億攏總滙出去?「中華民國紅十字會」會長陳長文辯解講:一遍攏滙出去顚倒是上蓋輕鬆,按呢根本免知影錢用佇位。分階段滙͘ inkhah有意義。伊保證所有ê捐款會全數用佇日本災區。真可惜,陳長文會長並無說明,是按怎分階段滙錢才khah有意義,伊無講清楚in kā chhun ê十三億外兜tiâu tio̍h͘人有啥物用意?勵馨基金會執行長紀惠容講台灣九二一震災ê時,日本全國社會福利協會kā in所募tio̍h ê日本愛心捐款作一遍交͘台灣家扶中心,信任台灣家扶中心按怎去拍派。「中華民國紅十字會」無beh kā募來ê救災專款作一遍攏滙͘「日本赤十字社」,那像是無信任人。

        「中華民國紅十字會」講,chit內底有牽涉tio̍h成本、考察、評估、規劃執行、監督審核,真無簡單neh!你敢聽會落去?「中華民國紅十字會」應該瞭解,捐款是一種信託性質,並無授權in按怎運用,in上要緊ê工課是趕緊所有ê捐款攏滙去͘「日本赤十字社」,管到人beh按怎用chiah-ê錢,敢是違反tio̍h捐款人ê意願?兩工就有兩萬外個捐款人佇網路頂面表示不滿,甚至有人表示beh退錢、the̍h去交͘ê機構mā khah放心;事實上,理善慈善基金會看「中華民國紅十字會」講清楚,in募款交͘台南市政府直接滙去͘仙台市。「中華民國紅十字會」猶有面講:若有人beh退錢,會使將捐款收據抑是劃撥證明傳真來,註明退錢koh留落銀行帳號,就會使辦理捐款退錢事宜。

        三月十六,台北市議員簡余晏佇伊ê部落格講:Tī 2009年十一月十六議會質詢時,前台北市社會局長豫玲老實講台北市九二一賑災剩餘款八千一百八十一萬外撥去台北市政府「重大災害民間賑災捐款」內面,tī 2008年動用其中ê六千四百萬͘「中華民國紅十字會」了後,再由in轉捐去中國四川一間小學起大樓。簡余晏講若照「台北市921賑災民間捐款專戶管理及運用要點」誠清楚記載:若是無指定用途抑是地區ê,以用佇中部南投縣kah台中縣災區為主,其中koh以本府所認養ê鄉鎮優先。台北市政府大主大意koh違反專款專用ê原則違法在先,「中華民國紅十字會」竟然免調查清楚是賊仔貨失查在後。

        莫怪逐個會懷疑:中華民國紅十字敢會交仗得? 

 

 
< 前一個   下一個 >