首頁 arrow 綠色短評 arrow 按呢扶馬尻川歹看lah!

按呢扶馬尻川歹看lah! PDF 列印 E-mail
發表者 李南衡   
2011/04/15, Friday
        四月十一,馬英九總統去淡水聖約翰科技大學參加活動,伊那像一個節目主持人,佇現場行來徙去,隨機點名在座ê學生回答伊ê問題,學生坐teh應答。咱ùi電視看tio̍h報導,一點仔都無覺有啥奇怪。問題是仝一個鏡頭,「扶先」隨時想tio̍h ê是扶(phô͘)馬尻川ê機會kohah!趕緊佇立法院質詢教育部長講:馬英九親像串場主持人,tio̍hteh、身軀à落去kah學生對話、學生坐tehChit個扶先講,「若是我在場,會對學生ê嘴phé kā pa落去,若是我ê子,轉去厝裡tio̍h跪三工。」教育部長吳清基講伊會提醒學生kah總統抑是長輩講話ê時tio̍h徛起來。扶先猶無滿意,講:he是家教問題,政府一年開hiah濟教育經費,連基本都教無好。總統佇你面前,猶大大扮扮坐teh kah伊講話,是激大牌;貴為總統佇你面前講話,你竟然無感覺!

        扶先本身真有問題,第一,伊講「馬英九親像串場主持人」,真無禮貌!應該稱呼「馬總統」才tio̍h,至少mā tio̍h稱呼「馬先生」。無禮貌ê立法委員那有資格責備無禮貌ê大學生咧!電視報導頂面無看tio̍h扶先講tio̍h「馬英九」有隨時徛挺挺、華語叫作「立正」抑無?第二,真無采,扶先無佇立法院提議立法,以後任何人若kah總統講話一定tio̍teh、頭使夯起來。第三,講he是家教問題,猶koh beh罵政府一年開hiah濟教育經費,連基本都教無好。一般講「家教」是講家庭ê禮法,是由家庭內底ê序大負責教育ê,無應該指責教育部長。第四,動bē-tiohbeh對學生ê嘴phé kā pa落去。警告扶先,暴力好。

        無遺誤連馬總統講學生坐teh無要緊,強調kah年輕朋友互動ê時,感覺自然tio̍h好。扶先眠夢chit遍扶馬尻川煞hō͘馬腳踢tioh,扶先一定真鬱悴。是按怎頂遍都會使,chit遍那會使?

        頂遍是2006年六月十八,當時ê中國國民黨主席馬英九去彰化,新聞報導,馬主席佇演講中講:陳總統「綁架」民進黨,民進黨只好支持伊,咱知影,民進黨內部「幹得要死」!新聞報導講,一向溫文儒雅ê馬英九,竟然會講出chiahsông koh有力ê話語。中國國民黨籍一個立委扶先大聲喝贊,講:馬英九講hit字出來ê時,咱感覺伊那像真正kah中部人南部人結合做夥,而且真符合台仔腳人ê期待。

        Chit-ê扶先頂遍扶了不止爽、扶了知滋味ê款,煞直直beh變作職業扶先。咱是有家教ê人講伊是扶馬尻川,若是講khah粗魯一絲仔,是真歹聽neh

        咱講khah文雅一下,扶先,按呢扶馬尻川歹看lah

        註:「立正」「幹得要死」 請讀華語 

 

 
< 前一個   下一個 >