首頁 arrow 綠色短評 arrow 馬英九真正是口號治國!

馬英九真正是口號治國! PDF Print E-mail
Written by 李南衡   
Friday, 29 April 2011
        四月二七,中國國民黨副主席兼審查委員會召集人江丙坤佇中常會,宣佈提名通過黨主席馬英九作後屆總統候選人,全場無異議拍phok-á通過。馬英九也隨後發表參選演說,內底有一句話:「我其實是真hān-bān喝口號,我是一個行動派ê人。我用行動來證明家己,口號bē tàng準飯食。」聽tio̍hhông驚一tiô,一個人會tànghiah誠懇ê表情、hiah堅定ê語氣講白賊,是普通見笑ê白賊七做會到ê,伊至少懸人兩級,所以tio̍h稱呼伊「白賊九」。咱一點仔都無冤枉伊,馬英九短短參選演說結束進前,驚你記得伊是專問喝口號ê三冬前競選總統hit句口號「台灣向前行,台灣一定嬴」小改一下,變作新口號來喝:「繼續向前行,台灣才會一定嬴。」有影bē tàng準飯食ê口號,臭酸ah

        非政府組織「台灣勞工陣線」最近佇網站頂面舉辦:馬英九執政博覽會「十大跳票政見」,公布票選結果,會tàng看出就業、住宅議題上蓋͘民眾「心寒」。政見那像tio̍h kah口號分開來看,政見有實質ê內容,做有到做無到,時到一看就知輸嬴,那像一張支票,時到領無錢就是「柭仔票」,攏免諍!口號那像一句宣傳話語,屬於喝爽ê性質,無地爭論起。

        咱若講馬英九口號治國,伊有可能會受氣罵咱亂亂講。咱用伊ê人所講ê來證明伊是專門teh喝口號ê

        馬政府上台了後,2008年十月二七,有立委佇立法院質詢講,馬英九競選總統ê時講若͘伊當選總統,國民ê生活會「馬上好」。Ta伊就任已經過五月日ah,台灣人ê生活並無影「馬上好」!經濟部長尹啟銘答詢講:「馬上好」只不過是競選口號,是講希望伊當選了後社會會變khah好。

        2008年三月二十總統大選前幾工,馬英九推出一個兩分四十秒長ê形象廣告,差不多逐工都佇各電視台強力播送講:「阮準備好ah!」驚人相信,十八位藍軍縣市長佇廣告中一再選民講:「阮準備好ah!」靠chit句口號騙tio̍h政權,͘偌濟政治人物欣羨kah流嘴noā水。上厲害是中國緊撿起來用,tī 2008年八月初四,北京奧運會舉辦一場記者會ê名叫作「北京已經準備好ah!」可見馬英九hān-bān喝口號,是口號會tàng外銷ê喝口號祖師爺。

        早前佇馬英九主政ê台北市政府擔任勞工局長ê鄭春棋,2010年五月十三暗時八點,接受香港鳯凰電視台訪問ê時講,馬英九所喝ê「黃金十年」chit口號是ê致命傷。

        馬英九明明是口號治國,伊家己講hān-bān喝口號。驚笑破人ê嘴?

 
< Prev   Next >