首頁 arrow 綠色短評 arrow In驚恁原住民啥物!

In驚恁原住民啥物! PDF Print E-mail
Written by 李南衡   
Friday, 20 May 2011
        中國國民黨政府殖民統治台灣,那有台灣人準作人?上明顯ê例就是不准Holo、客家kah各族原住民ê學生囡仔佇學校講家己ê母語,干單會使講殖民統治者規定ê一種語言,違背聯合國尊重保護全世界各種語言ê政策。

        2007年十二月,馬英九以中國國民黨總統候選人身份,對溪洲部落原住民陳情者講:「我你準作人看,我你準作市民看,beh好好你教育,beh好好提供機會͘你。你來chit-ê所在,tio̍h愛照chia ê規則來行。」馬英九記得是原住民先來chit-ê所在,慢來ê人顚倒要求早來ê原住民照chia ê規則來行。是因為伊想ê是:你是被統治者當然tio̍h照我殖民統治者所訂ê規則來行。伊講chia-ê͘ khah濟人提來討論ê,竟然是hit句「我你準作人看」。其實馬英九是講老實話,伊原本無原住民準作人看,馬英九想曉,伊chit-má已經進步kah kā原住民準作人看,是按怎會有hiah濟人伊攻擊?

        中國國民黨侮辱原住民侮辱了有續,講今年就好:二月,阿美族守護聯盟去總統府陳情,要求中華民國政府tio̍h kā侵佔阿美族in ê傳統領域土地還in,總統府派參議黃大鈞接見,對in大細聲。黃大鈞解說講是因為陳情者身帶「獵刀」,才會造成誤會,伊無影對in大細聲。守護聯盟開記者會,公佈相片、影片說明陳情者hit工根本無人帶「獵刀」,公佈黃大鈞講話有影有khah大聲ê影片。總統府那敢歪曲事實、轉移焦點?因為in根本無原住民看在眼內。

        三月初一透早,一位姓李ê原住民駛車經過桃園大溪瑞興國宅,͘三台警車包抄閘落來,koh kā伊押佇土腳,搜身koh抄車。Beh酒測ê時,伊要求先飲一嘴水,潘姓警察不准,後來因為圍觀ê民眾真濟,才͘伊先飲水才酒測,酒測值0.21無超標(標準值是0.25)。警察真爽,開車離開ê時竟然用廣播器大聲喝「死番仔」。引起群情憤慨,早起有五十幾位原住民去桃園縣警察局夯白布旗仔抗議歧視原住民。縣警局決定將侮辱原住民ê警員記一大過調職。Hit-ê姓潘ê警員講伊有夠衰,伊是無小心lòng tio̍h廣播器開關、聲才會傳出去。

        中國國民黨中常委廖萬隆因為佇中常會講「有真濟原住民是純種、是雜種仔」,引起各界爭議。伊有會失禮,但是無承認家己有m̄-tio̍h

        無管中國國民黨按怎侮辱原住民,會一個失禮,原住民就那像誠滿足ê款,因為無論啥物選舉,大部分原住民ê票猶原tǹg hō͘馬英九kah中國國民黨ê候選人。中國國民黨beh那看原住民會起咧?beh那會驚原住民咧?原住民燒嘴phéù人中國國民黨kah馬英九ê冷尻川,hông侮辱behsiáng

 
< Prev   Next >