首頁 arrow 綠色短評 arrow 陳炳德目睭金金!唉‧‧‧

陳炳德目睭金金!唉‧‧‧ PDF Print E-mail
Written by 李南衡   
Friday, 27 May 2011
        講tio̍h陳炳德chit-ê大名,你千萬m̄-thangtio̍h,伊是中國人民解放軍總參謀長,五月去美國訪問,五月十八,佇中美聯合記者會頂面強調講:有人主張為tio̍h增進台灣海峽兩岸ê互信,中國應該撤除對台軍事部署,特別是導彈(咱台灣講飛彈),但是對台沿地區,中國並無導彈部署。聽tio̍h伊講chia-ê話,拜託你慢且摸家己ê額頭懷疑有發燒抑無。因為kah你仝款,真濟人聽tio̍h chia-ê話攏忽然間感覺頭暈目暗,那像歸個世界錯亂了了。若是陳炳德所講ê話是真ê,表示chit-ê世界有真濟人頭殼歹去ah、胡言亂語!

        你可能猶會記得,2008年,阿扁總統講中國向台灣部署一千三百二十八粒飛彈,有藍營立委隨時罵阿扁總統夭壽,咱情報人員辛苦得tio̍h ê秘密公開講出來,害咱派佇中國ê情報人員煞hông掠去砰掉。若陳炳德講ê話是真ê,變作是阿扁總統kah藍營立委攏亂亂講?

        美國情報報告寫講,中國向台灣ê飛彈ùi 2001年開始部署三百粒,第二年增加作四百五十粒,2005年變七百三十粒,第二年增加六十粒算上少ê一年,2007年變一千零七十粒,2008年變一千四百粒,2010年變一千九百六十粒。若陳炳德講ê話是真ê,敢是美國情報烏白寫ê?

        馬英九就任總統無偌久,有人問伊敢有可能kah中國作和平談判?馬總統講若beh作任何和平談判,先決條件是中國tio̍h先撤除向台灣ê飛彈,若無,免講。若陳炳德講ê話是真ê,按呢敢是講馬總統三八話亂亂講咧?

        有人問國防部長高華柱有關中國解放軍總參謀長陳炳德ê講話,高部長kah那像新婦仔敢大聲講,伊講沿海ê範圍需要界定,但是陳炳德ê講法「kah事實有精差」。國安局長蔡得勝講話tio̍h khah實在,伊講(中國)大陸長期以來自了m̄-bat放棄用威嚇來解決兩岸問題,佇沿海部署飛彈一直teh增加。有無,衛星一下照tio̍h清清楚楚,世界上無幾個人會tàng接受陳炳德ê講法。

        我舉一個上接近陳炳德ê例。2010年八月初三,中國湖南省委副書記梅克保來台灣訪問ê時,平平湖南人ê親民黨主席宋楚瑜kah伊私下會面ê時,講到飛彈議題,宋楚瑜講:(中國)大陸ê導彈絕對beh向台灣人,是beh保衛中國人ê領土。中國新華社佇仝一工,用宋楚瑜講ê chit兩句話the̍h來作大標題報導。咱無聽tio̍h親民黨任何人出來否認宋楚瑜有講過chia-ê話。

        有人罵陳炳德講白賊,事實伊比講白賊koh khah嚴重。中國出一個陳炳德嫌不夠,台灣掠一個宋楚瑜來鬥。看in兩個講話ê時目睭金金!唉,人傷重。

 
< Prev   Next >