首頁 arrow 綠色短評 arrow 阿扁總統應該罪加兩等?

阿扁總統應該罪加兩等? PDF Print E-mail
Written by 李南衡   
Friday, 24 June 2011

        阿扁前總統kah《壹周刊》講好,beh佇獄中寫專欄投稿。伊寫ê第一篇稿〈馬宋會不如不會〉,原本預定六月二二刊出,總是《壹周刊》一直等無稿。到底發生啥代誌?哦,原來是稿寫了經過獄方審查再審查、修改koh修改,拖五工了後,台北監獄才講禁止文稿寄出。

 

        受刑人kah 一般人ê言論自由仝款受tio̍h《中華民國憲法》第十一條「人民有言論、講學、著作及出版之自由。」《公民kah政治權利國際公約》第十九條第二款「人人有自由發表ê權利,chit種權利包括以語言、文字抑是出版物,藝術抑是家己選擇ê其他方式,無分國界,尋求、接受kah傳播各種消息kah思想ê自由。」chit兩個法kah公約ê保護。但是有兩個制限,就是tio̍h尊重他人權利抑是名譽,保障國家安全、公共秩序抑是公共衛生kah風化。

        受刑人就是受刑人,tio̍h特別受監獄ê約束,照監獄行刑法施行細則第八十一條規定:「受刑人所寫ê文稿,若是題意正確而且無礙tio̍h監獄紀律kah信譽ê,tio̍h准伊投寄報章雜誌。」可見,寫稿投稿並是阿扁前總統ê特權,是所有受刑人應有ê權利。

        咱來看台北監獄用啥物理由(也就是用啥物「罪名」)禁止阿扁前總統寫好ê文稿寄出去?台北監獄指出,陳水扁是受刑人,獄方經過審查認為阿扁ê文章內容會造成社會竟見分歧,koh會引發政治效應,無助社會穩定,一旦刊佇媒體頂面,會影響監所信譽。為tio̍h希望阿扁安心服刑,所以才稿件退回,並是思想審查。咱一點一點來檢驗:第一,講阿扁前總統文章內容會造成社會意見分歧。真好笑,無起訴無判刑早前日本殖民統治者規定使kâng關超過二九工,掠阿扁前總統亂關幾百工敢無造成社會意見分歧?按呢tio̍h應該使關!第二,會引發政治效應。che那是小小台北監獄管會tio̍h ê?第三,無助社會隱定。hiah 呢重ê責任一個受刑人那擔會起?第四,一旦刊佇媒體頂面,會影響監所信譽。阿扁前總統到底寫偌濟台北監獄見得眾ê垃圾代?若有,hit幾句刣掉tio̍hah是?第五,為tio̍h希望阿扁安心服刑,所以才稿件退回。Koh khah顚倒是非,獄方chhoē各種會hông ê理由(罪名)不准阿扁前總統寫好ê稿寄出去,害伊內心不平,才真正伊無法度安心服刑。

        有人罵講台灣koh退倒轉去威權時代ê警總,若按呢,阿扁前總統應該罪加一等:「破壞人民kah政府之間ê感情」;有人罵講是馬政府向中國hit旁敧過去才會按呢,若有影,阿扁前總統應該罪koh加一等:「煽動顛覆國家政權」!

 
< Prev   Next >