首頁 arrow 綠色短評 arrow 中國國共兩黨迫台灣講白賊!

中國國共兩黨迫台灣講白賊! PDF Print E-mail
Written by 李南衡   
Friday, 05 August 2011
        舊年十二月,中國國民黨主席、馬英九總統接受媒體訪問ê時講:「九二共識是兩岸關係ê基石,若是民進黨主席蔡英文未來承認,兩岸關係會陷入無確定狀態;若無chit-ê九二共識,兩岸關係beh和平發展,疑問真大。」今年六月,馬英九總統接受媒體訪問ê時,語氣誠歹批評民進黨總統候選人蔡英文講:「伊一面講beh kah大陸(咱是講中國)chhoē一個可長可久ê互動架構,另一面卻否認九二共識。」講tio̍h那像若無承認九二共識,台灣就無法度kah中國互動。咱台灣俗話講sīm-poe無兩個poa̍h bē tân,確實無錯。

 

六月三十,中共中央台辦、中國國務院台辦主任王毅,佇中國駐美國Chicago總領事館對僑胞代表講:「因為有達成『九二共識』,所以才辜汪會談拍開了一條大路。確認chit-ê共識,是成作2008年以後兩會恢復商談ê重要前提。若是推翻chit-ê前提、否認chit-ê共識,tio̍hoh想像兩會beh按怎繼續通過平等協商解決兩岸間ê各種現實問題;tio̍hoh想像兩岸beh按怎佇猶有政治分歧ê情況下繼續建立互信、良性互動;tio̍hoh想像兩岸beh按怎佇互相chiah呢濟交流、深化合作,會tàng繼續提供良好氣氛kah必要ê環境咧?」話講hiah濟,總講一句就是講若無beh承認「九二共識」,兩岸就無法度繼續好好來往。

奇怪,中國國民黨kah中國共產黨所講ê話那會chiah仝款?m̄-nā按呢,連佇台灣ê中國媒體佇邊仔摃鑼拍鼓、大聲喝咻,用社論來質問蔡英文:「到底beh接受九二共識抑,民進黨bē-tàng逃閃!」

中國是按怎會chiah呢緊張?真有可能中國已經看出馬英九連任總統ê機會愈來愈細,佇蔡英文猶未當選進前,一定tio̍h逼伊承認有「九二共識」。咱攏知影,in所講ê「九二共識」事實上是講:「一個中國」。2000年四月二八,拄beh落台ê陸委會主委蘇起發明、無kah任何人討論參詳就公布ê「九二共識」,原本是包含兩句話:「一個中國,各自表述。」代替自1992年到2000年之間,中國國民黨所主張ê「一中各表」。但是,中國ùi 20005月撿tio̍h chit句話以後就直直tehchit-ê「九二共識」,意思是講「一個中國」。但是咱看ùi 1992年到2000年,海峽兩岸ê任何文件文獻攏絕對chhoē無「九二共識」chit-ê怪名詞。按呢你就知影,1992hit陣那有啥物共識咧!

根本無「九二共識」,是按怎台灣kah中國一定tio̍hchit-ê白賊話作基礎,才有可能好好來往咧?雙方所談所講ê,敢是攏是白賊話?中國國共兩黨硬迫蔡英文緊承認chit句白賊話,等於是迫台灣kah in做夥講白賊。無理啦!

 
< Prev   Next >