首頁 arrow 綠色短評 arrow 馬英九攏是講hit號無ê!

馬英九攏是講hit號無ê! PDF 列印 E-mail
發表者 李南衡   
2011/08/19, Friday
        馬英九競選總統發表誠好聽ê政見:「六三三」,意思是講若͘伊當選總統,台灣經濟成長率會拚到六葩、國民所得到美金三萬箍、失業率降到三葩以下。2008九月初五伊就任總統了才三個半月,安排墨西哥報紙專訪,講伊競選總統ê「六三三」政見講了無真清楚,造成一寡誤會真失禮。伊講,伊真正ê意思是講「六三三」政見第二任結束ê 2016年會達成。你聽͘清楚:原來馬英九講ê「六三三」是講hit號無êKoh再講,2012年台灣人那有beh koh選伊作總統?講啥物伊第二任結束ê 2016年,che mā是講hit號無ê

 

        伊koh對墨西哥記者講:國民平均所得美金三萬箍,原本目標就是囥2016年完成,但是其他兩項(經濟成長率會拚到六葩、失業率會降到三葩以下),無需要到hiah久,事實上是會tàng tī第一任內完成。Ta時間已經過去三年外,馬英九總統任期chhun九個月niā-niā2011年八十八,主計處講今年經濟成長率是四點八一,另外今年六月台灣失業率是四點三五,你相信到時會達成六葩?抑是相信che mā是馬英九koh tehhit號無ê

        馬英九一直逼民進黨總統候選人蔡英文tio̍h承認「九二共識」,若無兩岸關係會陷入無確定狀態,若無chit-ê九二共識,兩岸關係beh和平發展,疑問真大。

蔡英文應了足súi,伊講:所有ê人攏tio̍h好好想看覓,敢真正有「九二共識」?硬叫你去承認一個根本無存在ê物件,敢免講出一個道理?

        八月十五日,馬英九總統去屏東縣參加「泰武鄉吾拉魯滋部落永久屋入住典禮」,無koh親像初七hit工講受災戶永久屋那像法國ê普羅旺斯hit種三八話ah!可能因為hông罵講是晋惠帝得tio̍h靈感,chit遍引用晋朝陶淵明ê作品〈桃花源記〉,形容永久屋已經有「家」ê感覺。特別念一段〈桃花源記〉ê文。

        八月十八電視新聞報導,八月十五馬總統一下離開泰武鄉永久屋,厝前臨時鋪好ê草坪kah地磚,以及拄拄種好ê樹仔全部挖掉,借來ê家具攏總還紅十字會,歸片永久屋koh恢復「施建中」原形。原來hit工馬總統佇入住典禮所看tio̍h ê永久屋「攏是假ê」。

        咱知〈桃花源記〉是陶淵明所寫ê理想世界,當然是無ê。最後一段真有意思,講hit-ê掠魚ê轉去向太守報告,太守派人kah伊去chhoē,照伊做記號êchhoēmā choē無。

 

        現代版ê掠魚人馬總統,上好是恬恬家己koh去屏東縣泰武鄉,一定mā chhoēhit工已經入住典禮過了ê永久屋,按呢馬總統才會知伊攏是講hit號無ê

 
< 前一個   下一個 >