首頁 arrow 綠色短評 arrow 咱無枉屈馬英九!

咱無枉屈馬英九! PDF 列印 E-mail
發表者 李南衡   
2011/10/14, Friday
        Che三年外,咱一直煩惱馬英九政府直直向中國hit旁欹過去,一直向beh kah中國統一hit條路行去。咱若質疑伊,馬英九就lu一塊叫作「不統、不獨、不武」ê免戰牌͘咱看,但是無論按怎看,一點仔都無減少咱心內ê不安kah著急,恨四年趕緊過去,͘咱會tàng改選一位有真正顧台灣主權、尊重台灣人民意願、關心台灣前途、照顧台灣人民生活ê總統。咱若對馬英九總統加講幾句,伊就激一個媳婦仔面͘咱看,那像伊知受tio̍h偌呢大ê枉屈。

 

        今年十月香港出版ê《中國評論》月刊,有刊登上海東亞研究所所長章念馳寫ê一篇專文〈當前兩岸關係若干重要問題芻議〉。伊講,兩岸因為不通所以才不統,beh根本解決chit-ê問題,tio̍h ùi「三通」(通航、通商、通郵)著手,只有「通」起來,才有法度歷史所造成ê冰山一點一點融掉。但是「三通」那有hiah簡單,欠缺「一個中國」ê前提,「通」那有啥意義?1992年了後,兩岸關係拄拄佇「一個中國」認知頂面出了問題,致使「三通」延後十五年,到2008年才來實現。伊講,重新執政ê中國國民黨kah馬英九,選擇承認「九二共識」,行「三通」光明大道,擁護「和平發展」,行「共同發展、共同繁榮、共同治理」ê道路。對造就最後統一,是上蓋有利ê。所以,伊認為2008年馬英九執政短短chit三年,已經͘兩岸出現了深刻ê變化,chit種變化開始改變百外年來兩岸關係ê結構,chit種深刻ê變化,會tàng影響兩岸ê未來,甚至已經啟動了兩岸ê統合。若是統一準作一個過程,事實上統一已經啟動ahChe是幾代人追求統一ê同胞暝日tehê代誌嗎?掠「和平發展」作新ê歷史使命,若koh有四年八年抑是koh khah濟時間,一個新ê兩岸關係就會誕生。伊講,希望馬英九會tàng連任,按呢chiah呢無簡單得tio̍h ê「上蓋好ê時期」才失去,「和平發展」路線才會tàng延續落去。

        真奇怪,咱台灣人對馬英九ê看法,kah中國學者對馬英九ê看法竟然完全仝款!增差咱所煩惱ê正是中國學者所阿老ê。問題是咱台灣人敢有影戇kah bē pê

chiūbeh koh͘馬英九做四年,甚至繼續選͘中國國民黨執政koh八年,͘「一個新ê兩岸關係誕生」,送肉飼虎,͘中國早一日咱統一?

        莫怪十月十二,民進黨立法院黨團副書記長林淑芬立委會講:馬英九用「不統、不獨、不武」作選舉口號,原本是台灣人民心中所僥疑êchit位中國學者拄拄咱點出來,馬英九是「有teh做無teh講統一ê夯旗軍仔。」

 

        咱無枉屈馬英九,一點仔都無!

 
< 前一個   下一個 >