首頁 arrow 綠色短評 arrow 中國國民黨若放棄返聯公投!

中國國民黨若放棄返聯公投! PDF Print E-mail
Monday, 10 March 2008

        民進黨欲舉辦「入聯公投」案,希望會tang3用台灣e5名義加入聯合國,透過全民公投,來表達台灣人e5意願,雖然明知chit遍公投準若通過,ma7無可能馬上就有法度加入聯合國,總是按呢做是欲hou7全世界e5人知影台灣人有chit個心;中國國民黨輸人m7輸陣,ma7提出一個公投案,叫作「返聯公投」案,意思是講欲koh用中華民國e5名義重新倒轉去聯合國。

        咱雖然明知in chit個案be7通、ma7無贊成koh用中華民國e5名義入去聯合國,不過咱猶原無反對中國國民黨按呢做,咱ma7想講濟戲濟人看,koh想講in按呢做ma7是一種民意e5表達,會通be7通hou7全台灣人民決定、hou7聯合國會員國決定。何況,chit個案,中國國民黨已經動員一百萬人簽名聯署,一百萬差不多是中國國民黨全部黨員e5一半。
  最近聽講中國國民黨ti7 chit遍總統大選e5時欲放棄in家已提出e5返聯公投案,而且欲呼籲in e5選民mai3領、mai3投返聯公投票。就是講中國國民黨家己反對家已半冬前提出e5一個政治主張。中國國民黨解釋講,in無反對公投,因為公投是人民直接表達意見的一種手段,in當然尊重,in所反對e5是公投縛大選chit 項代誌。
  若是按呢講,咱欲請教中國國民黨,恁早前聯署一百萬人欲舉辦返聯公投e5時,敢m7知影全世界所有民主國家e5公投,為tioh8欲節省所費及逐個e5時間,攏是及各種選舉做夥辦?恁敢m7是早早就知影chit遍公投是欲及總統大選做夥舉辦e5?恁既然知影,而且ma7動員一百萬人聯署,到chit陣才講因為反對公投縛大選,所以反對家己提出e5返聯公投案。
  當然,任何一個政治主張抑是意見,攏會使因為事後發現無真適當,而且是為tioh8大多數人民e5利益,所以來做修改甚至ka7推翻掉。總是,無論按怎中國國民黨tioh8講出公投及大選做夥辦有啥劣處?講出一個hou7人聽會入耳e5理由來。若無,敢m7是講一年前所提出e5一個政見,雖然有一百萬人聯署,m7值tioh8中央黨部高層幾個人e5想法,喝反就反、講無愛就無愛,完全無考慮itoh8當時聯署he一百萬人e5熱情支持、koh khah無顧tioh8家己e5信用。
  中國國民黨若是會使按呢反起反倒,咱敢m7免懷疑,in今仔日提出e5任何政見,一年半冬後會使無理無由、講無愛就無愛,欺騙支持者e5感情,做一個完全無信用、講話無算話e5政黨。
        借問一下,中國國民黨chit種政黨提名e5總統候選人,你敢敢選hou7伊?
 
< Prev   Next >