首頁 arrow 綠色短評 arrow 三隻豬仔子變十萬隻!

三隻豬仔子變十萬隻! PDF Print E-mail
Written by 李南衡   
Friday, 28 October 2011
        民進黨總統候選人蔡英文「台一線」造勢活動,十月初六,ùi台灣尾屏東ê鵝鸞鼻出發,行過十四個縣市、七十九個鄉鎮,經過十一工,十月十七到台北Ketakalan大道,佇總統府前舉辦造勢晚會,蔡英文向群眾講出chit十一工所聽所看所講kah伊所想ê,講出伊對每一縣市ê規畫kah願景,吸引超過八萬外人ê場面,實在͘人真感動。Koh khah hông感動ê是,伊所行過ê每一個所在都有真濟,超出意外hiahêteh等待伊teh歡迎伊,鄉親挨挨陣陣相爭beh the̍h͘伊,有五十有一百有五百有一千,chit種三十年前才battio̍h ê熱情畫面,今年koh重現。會記得美麗島事件翻轉年,政治受難者姚嘉文ê牽手周清玉佇台北市競選國代,真濟無法度接近演講台ê群眾tio̍h用銀票包銅sián-á khian起去台仔頂,每一場演講了,工作人員tio̍h掃銀票滿滿是ê演講台,宣傳車慢慢仔駛出會場ê時,徛佇車頂ê周清玉一直͘khian tio̍h

 

        今仔日kah三十年前ê氣氛完全無仝,群眾敢親近蔡英文,敢當面the̍h͘小英,ùi宣傳車落來行到演講台,小英裳仔袋、雙手攏是錢。khah古錐ê是有細漢囡仔由爸爸媽媽抑是阿公阿媽牽lehpeh起去台仔頂伊心愛ê錢筒仔交͘小英,其中͘人印象上深ê是佇台南有仝一胎ê三個細漢囡仔,the̍h三隻豬仔子錢筒送͘小英。無疑誤一禮拜後,監察院講有人檢舉電視新聞播出,十月初九蔡英文佇台南造勢hit暗,有三個未成年ê囡仔捐三隻豬仔子錢筒͘蔡英文,違反政治獻金法ê規定,若無還人,tioh繳國庫,若無就是犯法。十月二十,民進黨發言人林俊憲抱hit三隻豬仔子錢筒去還人,hit三個細漢囡仔ê阿公聽了真受氣講,細漢囡仔捐錢違法?我大人捐有違法無?伊現捐三萬箍。

        三隻豬仔子chit個事件,͘民進黨總部得tio̍h一個「順風捒倒牆」ê撇步:發起「三隻豬仔子運動」,三個細漢囡仔捐三隻豬仔子ê鏡頭拍作廣告影片,同時十月二七佇全台灣發送十萬隻豬仔子出去,發出「豬仔子動員令」,請民眾豬仔子掠轉去,代表民眾kah蔡英文ê約定,豬仔子用銅sián-á kā͘飽掠來支持蔡英文。喝出口號:「十萬隻豬仔子徛出來!」

        會記得讀初中看《西遊記》ê時,上欽佩ê是猴齊天每一遍若一個對一大陣敵人,伊掣一撮猴毛噴一下,tio̍h會變出十幾隻kah伊完全仝款ê猴齊天,來kah敵人相刣。我hit當時想講猴齊天那有可能按呢?想講攏是作者超級ê想像力寫出來ê。今仔日,民進黨總統候選人蔡英文beh kā三隻豬仔子變作十萬隻,甚至有可能變作一百萬隻。蔡英文有影比猴齊天khah厲害!

 
< Prev   Next >