首頁 arrow 綠色短評 arrow 馬英九總統khah李明博總統小比一下

馬英九總統khah李明博總統小比一下 PDF 列印 E-mail
發表者 李南衡   
2011/11/04, Friday
        韓國總統李明博2008年二月二五當選韓國總統,伊ê競選口號「七四七」-擔任總統了後beh hō͘經濟成長率達到七葩,͘韓國國民平均所得達到美金四萬,͘韓國成作全球第七大經濟體。執政一年後ê二月十九,伊講伊ê競選支票無兌現,伊按呢做向全國人民行禮會失禮:第一,伊總統任期五年ê薪水攏總捐出來。第二,將伊所有財產約韓元三百三十億(差不多美金二千四百三十萬)ê九成、約新台幣六億五千六百萬捐出來。第三,宣布副部長、三星中將、大學校長以上,將近二百八十名高官,kā in過去一年領去ê薪水吐一成出來,攏總大約韓元二十六億(差不多新台幣六千0八十二萬)。第四,內閣總辭改組,而且承諾捐出任內所有薪水,差不多新台幣三千外萬。事實上,chiah-ê錢敢有法度解決韓國所拄tio̍h ê經濟問題?當然無法度,但是李明博總統講,伊按呢做是beh激勵散赤人會tàng克服一直惡化ê困境。

 

        咱來看馬英九總統,伊競選口號「六三三」-承諾擔任總統了後平均每年經濟成長率六葩,失業率降到三葩以下,平均國民所得達到美金三萬,雖然是學韓國李明博ê「七四七」,老實講kah真響。真不幸,伊kah韓國李明博仝款競選支票「不渡」,但是伊比李明博khah滑溜,伊講伊無法度達成目標主要是大環境所造成ê,講tio̍h那像韓國kah大環境無關係。馬英九競選總統辯論ê時有人提問:假使當選總統執政了後「六三三」若跳票,有beh捐一半薪水͘聯合勸募來照顧弱勢團體?馬英九佇眾人面前答應講無問題,咱攏有看tio̍h電視台實況轉播。今年十月初三佇馬英九總統舉辦「十年願景」政策說明會頂面,有媒體問伊競選所提「六三三」政見若做無到,承諾beh捐半薪出來,敢有beh捐?馬英九總統應了足輕鬆:若政策無法度實現就用捐款來解決是無實際ê,應該chhoē方法來解決。面皮已經厚kah銃子拍ah

        2009年度審計部決算審核報告:稅收短徵兩千外億,倩務年增四千六百二十九億,政府負債四兆一千三百二十一億。也就是每人債務十八萬,無夯債ê年若編六百五十億來還債,tio̍h還六十二年才會還完,明明是留債務͘子子孫孫!國家財政chiah呢困難ê時,馬英九總統敢有學李明博總統家己薪水攏無領,財產捐九成,高官領去一年ê薪水吐一成轉來?無!顚倒反,伊全國軍公教人員(當然包括伊本人在內)加薪三葩,國務機要費加編一千萬增加三成變作四千萬!個人身體檢費一年編五十萬,知開hiah濟錢伊是beh檢查啥碗糕!

        馬英九總統kah李明博總統比,beh 按怎比?

 
< 前一個   下一個 >