首頁 arrow 綠色短評 arrow 拚hō͘蔡英文五十一葩起跳!

拚hō͘蔡英文五十一葩起跳! PDF Print E-mail
Written by 李南衡   
Friday, 11 November 2011
        十月初七,民進黨總統候選人蔡英文明知苗栗縣是民進黨ê艱難選區,但是伊講若是照歷屆總統得票數來評估,信心滿滿講chit遍總統大選伊ê得票數會ùi四成起跳,而且會拍破過去ê紀錄。咱知,過去ê紀錄,佇苗栗客家莊民進黨對中國國民黨ê得票率是三比七,也就是講民進黨ê得票數無人中國國民黨ê一半濟。咱若ùi蔡英文chit幾工佇苗栗受歡迎ê熱烈狀況來看,蔡英文實在是傷過客氣,伊應該koh khah有信心講咱佇苗栗ê得票率ùi四成半起跳,目標是一定beh kā拚過半。

 

        咱若看馬英九總統chit三年外ê施政,無論是失業率、貧富差距、主權流失、直直向中國hit旁欹過去,無kah一項有及格,致使中國國民黨ê頭人鼓勵逐個tio̍h出來,就是「含(kâm)目屎」、「含血」、「含恨」mā tioh͘馬英九。咱tang時仔中國國民黨選總統那會選kah chiah悲哀、選kah chiah可憐咧?咱kah in顚倒反,咱鼓勵所有ê人攏出來,歡歡喜喜去選͘蔡英文,那像teh辦喜事,因為咱知,咱beh選一位會chhoā台灣行向有光明前程ê總統,伊會͘每一個台灣人寶惜自由民主kah主權,͘每一個台灣人行出去國外有自信kah尊嚴,每一個台灣人感覺家己真有福氣真值得驕傲。

        2008年馬英九the̍h tio̍h七百六十五萬外票,得票率五十八點葩外。三年來縣市長議員選舉、幾遍立委補選、kah五都市長市議員選舉,咱看出中國國民黨已經失去兩百外萬票,chit遍蔡英文拚馬英九得票率應該ùi五十八葩起跳。但是因為有第三者宋楚瑜參選,伊若選到底有可能the̍h tio̍h六、七葩,所以咱才會講拚͘蔡英文五十一葩起跳,chhun-ê四十九葩͘ in兩個去分,in兩個beh按怎分,是inê代誌。起跳ê意思是上起碼ê葩數,當然咱愛有決心behkoh khah懸,衝愈懸,馬宋in兩個thangê當然tio̍h會愈少。

        咱逐家約束好勢,一個鼓勵一個出來選͘蔡英文,咱掠一個目標:拚͘蔡英文五十一葩起跳!蔡英文若高票當選,按呢選前一寡烏白做ê「民調」;中國國民黨馬英九kah親民黨宋楚瑜teh喝啥物「棄保效應」;講啥物人出來選就是對不起蔣經國、對不起國家;講啥物人是出來亂êin中國話講是:出來攪局、出來搗亂的)。講啥物含目屎含血含恨mā-tio̍h去選͘馬英九;講啥物蔡英文ê戰略是「聯宋制馬」chiah-ê攏會變作chit遍總統大選ê笑話!

        等蔡英文高票當選了後,咱若koh想起in hiah-ê人講ê hiah-ê笑話,有影連眠夢都會起愛笑! 

註:「棄保效應」 (出來攪局、出來搗亂的) 「聯宋制馬」 請用華語唸\

 
< Prev   Next >