首頁 arrow 綠色短評 arrow In 講hit號中國話咱聽無!

In 講hit號中國話咱聽無! PDF 列印 E-mail
發表者 李南衡   
2011/11/25, Friday
        1945年十月二五,中華民國政府正式佔領台灣(in中國人講是「台灣光復節」)ê前一工,台灣行政長官陳儀來到台灣,隨時作蒞任廣播演說。伊講:本人是來台灣服務,是來做官。一定會照「三不」信條來做,就是「不撒謊」(無beh講白賊),「不偷懶」(無beh懶屍),「不揩油」(無beh揩油)。Che是咱台灣人ùi lajio第一遍正式聽tio̍h ê中國話,聽tio̍h ê台灣人攏gông去!陳儀長官敢是親像日治時代ê台灣總督,就任敢是應該講伊決定beh按怎治理台灣,那有chit號大官初見面tio̍h講伊無beh講白賊、無beh懶屍咧?hitê台灣人自了m̄ battio̍h「揩油」,四界問人「揩油」是啥意思?等知影意思了後哀父叫母講:台灣人到底做啥物歹失德,那會chiah僥倖拄tio̍h chit款官府咧?

 

        五十九年後2004年十月廿四,中國國民黨主席連戰去屏東為in黨立委參選人徛台ê時,支持群眾講:阿扁政府執意通過六千一百0八億軍購預算,是beh收買美國?是是有啥物hông la̍k佇人ê手裡?問群眾:「這是不是和台南那兩顆子彈有關係?」

        2008年二月二四,中國國民黨總統候選人馬英九發表政見ê時講:我們要孩子認同這塊土地,他是台灣人,他的國籍是中華民國,這是非常清楚的。我自己也是這樣教育我的子女。無兩工͘人查出來,馬英九ê查某子馬惟中是有美國護照ê美國人。因為伊佇美國出世,自細漢伊ê父母tio̍h一直伊顧tiâu-tiâu,驚͘伊失去美國籍。若無,幼嬰仔、囡仔人知影啥?會曉創啥?但是人一下質問馬英九,伊頂日佇政見發表會所講ê是白賊話?馬英九解釋講:子女已經長大成年了,我尊重他們的想法。

        2008年十月二五,台北舉辦向中國唱聲ê遊行示威,佇路邊有本土社團ê攤位teh賣冊,台北市中正一分局一名女警beh kā取締,本土社團ê人不服、罵伊干單會曉欺負台灣人niā-niā。伊直直翕相,講:我ê頂司若講OK我會͘恁排,若使我tio̍h beh請恁離開。本土社團ê人問講:你ê頂司是馬英九tio̍h bò͘?女警應講「我的上司是中華人民共和國。」

        2010年八月初三,中國湖南省委副書記來台灣訪問,宋楚瑜私下有kah伊見面密談,hit工暗時,中國官方媒體《新華網》用足大字作標題報導:「宋楚瑜說大陸導彈(咱台灣是講飛彈)絕對不是對台灣人,是要保護中國人的領土。」                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                         

        In hit號中國話mài講咱曉講,事實上連聽咱聽無。真有可能是因為咱讀四書五經讀傷少,才會chiah無「學問」!

 

 
< 前一個   下一個 >