首頁 arrow 綠色短評 arrow 數念台灣紳士黃昭堂先生        

數念台灣紳士黃昭堂先生         PDF 列印 E-mail
發表者 李南衡   
2011/12/02, Friday
        前幾年,台灣兩個中國黨ê頭人前後去北京訪問,kah中國領導者見面了koh發表啥物五點、六點公報,那像真親蜜。無疑誤過無一個月,甲黨頭人piak空講:有人去中國領導者講我啥物閒仔話,想講我攏知!台灣chit兩個中國黨ê頭人真無品,去北京那像入京晋見皇帝,有一個佇in皇帝面前加減奏另外一個人ê歹話。中國領導者真無範,那好將人你講ê是非閒仔話搬過嘴咧?想想一下,che可能就是咱上蓋驚ê中國文化。

 

        咱翻頭轉來看咱ê台灣紳士黃昭堂先生。有記者問昭堂先,聽講2000年陳水扁先生kah你深談了後,你才決定beh全力支持伊,敢有chit號代誌?伊應講:確實是按呢。記者追問講,當時陳水扁先生到底kah你講啥物話,才͘你下hit-ê決心?昭堂先應講:真失禮,因為he是阮兩人私底下講ê話,不便講出來。bē-tàng事後因為客觀環境變化、抑是一時氣憤,就阮兩人私底下講ê話攏拚拚出來。我干單會使講,hit當時陳水扁先生ê͘我聽了真感動。

        2004年面對中國國民黨kah親民黨大合作,對爭取連任ê阿扁總統是一場苦戰。昭堂先專工去拜託李前總統阿輝伯一定愛出來,chhoākah阿扁總統仝台手牽手,͘台灣人êúi台灣尾牽到台灣頭,迫台灣人ê熱情盡拚!阿扁總統才險險差一點嬴一屑屑仔當選。事前事後,昭堂先攏無僭懸抑是展伊有啥功勞。

        2005年二月二四,阿扁總統kah親民黨主席宋楚瑜舉行「扁宋會」了後,阿扁總統直接點出「四不一沒有」,簽署十項結論。接受記者訪問ê時,昭堂先氣phut-phut罵講he是「鬼話連篇」!第二工,伊對記者講,我佇chia向阿扁總統kah全國同胞會失禮,當時我非常受氣,但是無應該罵hiah歹聽ê話,ta

收回hit句話。

 

        2008年阿扁總統卸任了後piak出來阿扁總統有滙幾十億去外國ê消息,昭堂先第一反應是罵講:阿扁阿珍去跳海好lah!第二工,伊出來公開道歉,是向阿扁翁某道歉,是向全台灣人民會失禮,伊講,我是一個基督徒,我ê信仰無容允我用chiahê話咒懺人!

        黃昭堂先生1932年佇台南出世,台大畢業了去日本留學,the̍h東京大學碩士博士學位。二七歲投入台灣獨立運動,《台灣民主國》、《台灣êê地位》、《台灣總督府》三本著作攏是用台灣人ê觀點來寫êchit位出世來拚台灣獨立ê台灣紳士昭堂先,獨立建國ê大事業猶未完成,就十一月十七、七十九歲離開咱,͘咱真甘。想tio̍h台灣猶未獨立建國,阮會koh khah數念台灣紳士昭堂先。

 
< 前一個   下一個 >