首頁 arrow 綠色短評 arrow 馬政府鑄銃拍家己!

馬政府鑄銃拍家己! PDF 列印 E-mail
發表者 李南衡   
2011/12/16, Friday
        總統大選teh beh進入最後一個月上緊張ê時刻,馬陣營登廣告、由立法院中國國民黨黨團出手,連續幾工piak「宇昌案」,一工piak一項,那像teh演電視連續劇、那像利刀一刀一刀teh刮蔡英文,上路尾由行政院長宣布原本列作「極機密」ê「宇昌案」由經建會主委劉憶如解密。解密了伊講並無看出有啥物違法ê所在。但是前幾日由經建會提供͘立法院中國國民黨黨團êTaiMed投資說明會資料」封面,印有2007331ê日期,也就是講蔡英文擔任行政院副院長任內,同時擔任「宇昌」ê前身TaiMed公司主要負責人。明明就是官員圖利家己ê貪污罪,犯十年以上有期徒刑罪。馬陣營一銃就beh hō͘蔡英文無命!

 

        事實是蔡英文2007年一月二五就任行政院副院長,五月二一蘇貞昌內閣宣布總辭當日伊離職。好佳哉,民進黨黨部the̍h出「TaiMed投資說明會資料」來對,封面是空白ê並無任何日期字樣,而且in查出chit份「TaiMed投資說明會資料」正確日期是2007年八月十九,蔡英文已經離開行政院將近三個月,完全無官員圖利家己ê問題。假使民進黨無法度the̍h出證據,抑是等到選舉了才chhoē tio̍h證據,蔡英文免等到明年一月十四,今仔日就免選ah

        經建會主委劉憶如那會the̍h印有2007331日期êTaiMed投資說明會資料」͘立法院中國國民黨團咧?照伊佇第二工記者會講「時間錯置」表示遺憾。其實,逐個攏知che m̄是一句遺憾就會煞去êmā m̄是「時間錯置」講會通ê。咱攏知影所有ê公文原件,任何人都無權利去塗改、刪除抑是加添啥物。若是去動tio̍h就是犯偽造文書罪。到底是啥人hiah好膽͘人食罪ê日期偷印起去?馬政府ê行政院經建會做chit款代誌,表示行政力量插入選舉,tio̍h偽造文書kah企圖͘候選人不當選罪之嫌!前立委陳振盛講:Che m̄是劉憶如一個人就會tàng做拍手,背後顯然有「影武魔頭」teh運作。

        抺烏「宇昌案」͘人民上大ê反感是:馬政府那會出chit款垃圾步,而且是由行政力量拚命演出ê?經建會主委劉憶如開記者會講,假使民進黨beh講我是偽造文書、抑是講意圖͘人不當選,我干單會tàng講任何一個行得正、做得直ê人,驚任何人來告。行政院長吳敦義講無管是三月抑是八月,無啥大差別。知伊是tè青抑是假戇?Chitê馬政府一定會͘人民起反感、͘人民棄捒!

        一個人自作孽,害別人無死,害家己死,台灣俗語話講作「林道乾鑄銃拍家己。」無疑誤林道乾陰魂不散,出世來作馬政府,鑄銃beh一銃拍死蔡英文。日後台灣可能會有一句俗語話講:馬政府鑄銃拍家己!

 
< 前一個   下一個 >