首頁 arrow 綠色短評 arrow 做官ê m̄-thang傷過分!

做官ê m̄-thang傷過分! PDF 列印 E-mail
發表者 李南衡   
2011/12/23, Friday
中國廣東省陸豐一個小村烏坎,發生舞三個外月ê群眾事件(中國叫作「群體性事件」),最後,中華人民共和國建國六十二年以來第一遍答應͘政府掠去ê三名村民behin轉去、第一遍答應͘政府掠去離奇死亡村代表薛錦波ê屍體beh還人,第一遍承認原本講是非法組織ê烏坎臨時理事會是合法村組織,代誌才十二月二一達成和解,村民隨時停止抗爭、恢復正常生活秩序。 事件起因是烏坎村村委會一塊「共有土地」賣͘開發商,幾年來佇村民完全ê情形下,三千二百畝ê土地陸陸續續賣掉去,收人民幣七億外,村民每戶才補助五百箍,大部分ê錢攏͘當地官員私吞去。偷買村民ê土地準備beh興建濱海新區碧桂園ê開發商,是祖籍烏坎ê港商陳文清,伊是香港ê廣東海陸豐商會會長、是廣東省人大代表。當地村民幾遍上京「上訪」(就是去北京提出申訴)攏無結果。最近,koh kā chhun落來上尾塊ê土地賣͘地產開發商,致使當地人九月二一遊行示威,九月二二政府派出軍警鎮壓才爆發騷動。  中國國內發生ê「群體性事件」一年有十外萬件,其中六成以上是因為用強ê徵收土地、補償無夠。中國農村ê土地名義上是「共有土地」,但是做官ê定定用開發作理由,土地所有權變作託管,͘人民一絲仔補償金。村民攏認為補償金實在傷少,完全無法度反映土地出讓所帶來ê利益。  九月二一,有三四千人夯布條去市政府遊行請願,有一段時間封鎖公路,政府無動作,但是香港媒體報導政府有派人去拍一寡手無寸鐵ê村民tio̍h傷。第二工早起,百外名汕尾市武警kah特警進駐村裡,用武力驅散集會ê村民,有十外人受傷其中有兩個囡仔重傷送急救,村民圍攻派出所kah市政府khian石頭,有十外名警察受傷。掠四個村民。雙方協商無結果。  十二月十一,再度爆發衝突,村民代表薛錦波͘掠去了後死去,引起大規模抗議,夯「還我耕地」、「打倒官商勾結」牌仔抗議示威。In驚政府派人潛入村裡掠人,封村設路障,村民巡邏戒備。十九,歸個烏坎村對外交通攏͘軍警團團包圍,警方採取斷水、斷電、斷糧方式對付。十二月二十政府讓步:凍結賣出去ê土地、賠償徵地者損失、收回404畝事件所牽涉ê土地,保障村民利益。  那會有chiah呢戲劇性ê結果?因為村民用手機仔翕相傳去國外,真濟外國記者入去烏坎村、一直有消息佇香港馬來西亞等海外報紙電視出現,中國政府看是勢才落軟。狀況kah咱竹南大埔事件足仝款,咱講ê自由民主ê政府手段並無比獨裁專制ê政府khah文明;仝款ê教訓是:做官ê m̄-thang傷過分!
 
< 前一個   下一個 >