首頁 arrow 綠色短評 arrow 增加免簽國m̄是馬英九ê功勞!

增加免簽國m̄是馬英九ê功勞! PDF Print E-mail
Written by 李南衡   
Friday, 30 December 2011
        咱去任何國家攏tio̍h the̍h hitê簽證,就是the̍h tio̍h入去hitê許可證,因為全世界所有ê國家攏有限制外國人入境ê權利,che就是teh展現一個國家ê主權。但是有時甲國會評估乙國ê國民素質、乙國人ê品行好抑bái,包括乙國人來甲國有過期居留無?有非法做工無?有犯罪紀錄無?等等一寡無受歡迎ê現象抑無?當然會考慮對甲國家已ê觀光發展有幫助抑無?若是所有條件攏有符合要求,會考慮͘乙國人民免簽證ê禮遇。

 

        咱用日本͘台灣人觀光免簽證作例:台灣人一直是日本外國觀光客第二濟ê,小小輸韓國。配合第二年三月二五開始愛知縣ê萬國博覽會,決定ùi三月二五至九月二五͘台灣人觀光免簽證,2004年台灣人去日本觀光有九十萬人,佇日本消費1,600億日圓。日本政府佇國會議員壓迫下,才決定ùi2005925日起͘台灣人觀光免簽證禮遇,結果2005年台灣人去日本觀光超過一百二十萬。當然,馬上引起中國嚴重抗議,日本外務省應kahsúi氣講:台灣人是所有外國觀光客佇日本犯罪率上低ê。一聲tio̍h hō͘中國大使無半句,因為中國觀光客是所有外國觀光客品行上bái ê:有過期居留ê,有偷有搶ê,有刣人放火ê,有留佇日本作趁食查某ê,會使講是歹kahchhun。會記得有一遍前駐日代表許世楷先生來咱電台接受我訪問ê時,伊講kah足客氣足實在:雖然阮駐日人員有拍拚爭取,但是上重要是咱所有台灣人ê好表現所爭取來ê

        日本chiah認真嚴格ê國家都會͘台灣人免簽證,而且帶͘日本hiahê觀光利益,別個國家看了當然會有樣看樣。第一巧ê歐洲國家是英國。英國移民署tī 20072008年間對全球各國ê簽證要求進行審查,決定beh hō͘ the̍h中華民國護照(內底有國民身分證統一編號)ê人六個月非工作性質ê免簽證入境禮遇,ùi 2009年三月初三生效。結果發現hit年三月至十月,比前一年仝時期台灣觀光客增加36.4%。有參加申根公約ê歐洲國家看kah suh-suh甜,決定ùi 2011年一月十一開始,台灣人會使「免申根簽證」-也就是the̍h中華民國護照ê人六個月內佇歐洲三十五個國家地區短期停留,免辦理簽證。

        美國國務院tī 2005年底,就指定將台灣kah南韓同時列作免簽證評估名單,要求三年內美國簽證拒簽率3%以下,咱兩年前是2.2%、舊年是1.9%,符合條件。十二月二三,美國在台協會(AIT)宣布台灣近日真有可能會列入美國免簽計畫。

 

        台灣會tàngtio̍h全世界一百三十幾國免簽證,所有駐外人員拍拚咱感謝,但是上重要是所有台灣人ê好表現。是馬英九ê功勞,絕對是!

 

 
< Prev   Next >