首頁 arrow 綠色短評 arrow 台灣人敢有影「三好加一好」?

台灣人敢有影「三好加一好」? PDF 列印 E-mail
發表者 李南衡   
2012/01/16, Monday
        台灣俗語話遘:「雞胿kui若歕破,台灣就免住。」意思是講一個人講話若是講過頭、無實在、烏白歕,那像歕雞kui-á歕過頭歕破去,信用拍歹了了,無法度繼續佇台灣徛起,見笑kah bē tàng見人tio̍h離開台灣,抑是雖然人佇台灣tio̍h隱名埋姓,驚͘人認tio̍hchit句話應該是針對每一個人攏會通。

 

        真奇怪,四冬前有一個總統候選人咱大聲講伊準備好ah!驚人無愛相信,koh chhoe in hit黨執政ê縣市長背書,m̄-nā佇報紙印有一陣人ê尫仔頭刊登廣告,而且佇各電視台做廣告講:阮準備好ah!講伊若當選逐個「馬上好」!

 

        韓國總統候選人李明博競選口號:「韓國七四七」,講伊若當選,韓國經濟每年至少增長7%、十年左右韓國人平均年收入達到美金四萬、韓國發展變作世界第七大經濟體。就任了拄tio̍h世界金融海漲衝擊、伊發現做到。先學新加坡內閣部長集體自動減薪兩成,koh宣布副部長級、三粒星中將將領kah大學校長以上高層公務員,年薪減一成來協助社會弱勢族群渡過經濟危機。李明博總統本人任期內五年ê薪水攏捐出來,真正做到「苦民所苦」,koh將伊財產ê九成韓幣三百三十一億(約台幣八億六千外萬)捐出來作青少年獎助學金。

        2008年,hit-ê姓馬ê,競選總統學李明博喝「六三三」,就是講若͘伊當選總統,台灣經濟成長率每年會達到6%、國民所得達到美金三萬、失業率會降到3%以下。無kah一項會達到,但是並無照競選ê時所講ê,若無法度達成目標beh捐出一半ê薪水,有記者問伊那會無照呼照行?伊應講:捐薪水若會tàng解決代誌,he是上簡單ê作法,捐薪水那是問題?伊m̄-nā無捐薪水koh家己加薪水加一年健康檢查費變作五十萬。有人責問總統講話無算話,一個伊ê官員講「六三三是選舉口號,那會使準算!」借問一下,總統競選所講ê話是口號無準算,到底伊講ê tó一話才有準算?台灣俗話「雞kui若歕破,台灣就免住。」chit句話那像kahkui歕破面攏ê職業白賊七仔一點關係都無!

        政府存在上大ē功能是͘全體人民過幸福快樂ê日子。Chit-ê 見笑ê白賊政府執政四年,人民平均薪水倒退到十三年前水準,痛苦指數愈懸,貧富差距愈來愈擴大,資源分配愈不均,失業率一年比一年khah懸,特別是最近掩蓋無發表出來實際放「無薪假」ê食頭人算得濟,chit-ê年真歹過。

        behê是,台灣人啊,chit四年你過了有比以前khah好無?你過了有比四年前khah快樂無?若有,我無話講。若無,台灣人啊,你是按怎四年猶驚、koh͘ hit-ê人作總統咧?台灣人敢有影「三好加一好」?

 

 
< 前一個   下一個 >