首頁 arrow 綠色短評 arrow 兩岸共同市場,台灣會khiau去

兩岸共同市場,台灣會khiau去 PDF 列印 E-mail
2008/03/14, Friday
中國國民黨總統副總統候選人馬英九及蕭萬長,上得意e5財經政策是「兩岸共同市場」,講in是參考「歐洲共同市場」來e5。咱若看張炳煌及邱晃泉兩位先生共同著作e5《歐洲共同體解讀:實用e5制度及案例》,就足清楚歐洲共同市場e5內容是啥 咱tioh8先看清楚兩岸及歐洲完全無仝款,因為歐洲共同體內底,無一國安裝一千粒飛彈向to2一國、而且每年增加歸百粒,無一國講無欲放棄用武力解決代誌,ma7無任何國家敢講to2一國是伊領土不可分割e5一部分,所有共同體內面e5國家攏比懸比大,這是共同市場e5前提。   「歐洲共同市場」e5作法是:允准貨物自由流通、採取對外關稅及貿易政策,允准其他生產要素-就是人員、資金、服務、商品攏會使自由流通。講khah白e5是,那像高雄及台北e5關係、ma7那像花蓮及彰化e5關係,你若是用仝一國來看共同市場你tioh8會真明白真清楚。因為仝一國,所以無論是人、錢、勞務、抑是商品攏是全面自由化流來流去,當然是攏無受tioh8任何限制。你敢知影按呢落去會偌嚴重? 第一 貨物會使自由流通,意思是講兩岸之間無關稅、無數量e5限制、當 然ma7無輸入許可證、衛生檢查等等。現此時有限制,烏心產品就滿滿是ah,若攏無限制,你敢be7驚? 第二 人會使自由來去,意思是講兩岸之間無移民局e5管制,兩岸e5人民會使自由出入,你來我去,旅遊做工課 攏免簽證,僱用人員e5條件完全仝款,一旁e5人去另外一旁,伊本人及伊e5家屬,攏會tang3享受hit旁e5 社會安全福利。講khah白e5,十三億中國人隨時攏會使來台灣食頭路,而且伊本人及伊e5家屬,攏會 tang3享受台灣e5健保及勞保。你今仔日一個月兩萬五e5工課,中國仔來講一萬伊就真歡喜,借問,你e5 頭家欲倩你抑是倩伊?    第三 服務自由流通,意思是講互相承認學歷及專業資格,律師、會計師、醫師、建築師及其他技師,若有提 tioh8資格,ti7兩岸to2位攏會使做工課。    馬英九hong5 tu7一下,煞講伊主張e5兩岸共同市場是咱e5人會使去中國、中國人be7使來台灣;台灣e5產品會使賣去中國、中國e5產品be7使賣來台灣。笑死人!照伊按呢講是啥物「共同市場」?伊敢是講hou7三歲嬰仔聽e5?咱愛看清楚,伊真正e5目的是欲ka7台灣及中國合做夥。   你好好想看mai7,馬英九e5兩岸共同市場,台灣會khiau去抑be7
 
< 前一個   下一個 >