首頁 arrow 綠色短評 arrow 台灣水溝仔蓋統一中國!

台灣水溝仔蓋統一中國! PDF Print E-mail
Written by 李南衡   
Friday, 17 February 2012
        一位住佇澳洲ê英國藝術家、是一位攝影家Camerotabat tī 2008年至2011年住佇日本,伊͘日本水溝仔蓋ê媠嚇驚tio̍h,伊就全日本行透透、四界趖,看無仝設計無仝特色ê水溝仔蓋真趣味,一個一個翕起來,轉去整理了後出版一本冊《日本ê水溝仔蓋》,每一張相片攏有水溝仔蓋ê地點、寸尺、圓ê抑是四角ê攏說明kah真詳細。水溝仔蓋是hàm-hàm仔講êkhah正確應該是講「人孔蓋」,人beh入去土腳孔ê蓋。因為日本一寡公共設施攏早tio̍h地下化,無管是下水溝(in特別註明:污水)抑是消防栓,攏用「人孔蓋」蓋(khàm) tio̍h。咱若看伊所翕ê冊,tio̍h知影伊實在有夠拍拚,是干單佇東京都ê武藏野、抑是就近神奈川縣ê小田原市抑是千葉縣ê木更津市,伊東北去到舊年311大震災宮城縣汕台市東旁ê石卷市,南旁去到九州熊本,西旁去到岡山縣ê倉敷市,甚至去到倚日本hit旁金澤ê文藝館。日本每一個水溝仔蓋都設計kah誠媠,但有逐所在特有ê植物抑是動物作圖案,mā kā民間故事、民謠the̍h來作題材,圖案以兩色至三色khah濟。相信伊是看tio̍h日本連水溝仔蓋都chiah呢有文化氣味,相當受感動才會用hiah濟時間kah心神遍走全日本去探查去翕相,希望kā chiahê日本水溝仔蓋介紹͘全世界ê人欣賞。

 

        咱佇台灣定定看新聞報導講某一縣某一市抑是某一鎮ê水溝仔蓋,koh hôngthe̍h幾十個。欣賞Camerota chit本《日本ê水溝仔蓋》ê時,心肝內想講日本實在真萬幸,無出一寡見笑ê m̄成賊仔偷the̍h媠噹噹ê水溝仔去賣。偷the̍h水溝仔蓋抑是人孔蓋是普通ê賊仔,因為對人行路安全造成威脅,實在真可惡。

        早前台灣各縣市ê水溝仔蓋,一塊鐵枋除了雙旁有成十條孔以外,中央攏有留一塊兩三寸闊ê所在鑄字,一看tio̍h知影一縣市區鎮ê公物,按呢賊仔貨khah歹銷贓。你若注意目前台北市ê水溝仔蓋,攏已經無鑄字ah,是是為tio̍h beh hō͘賊仔貨khah好銷贓?tio̍h愛問台北市政府才會知。咱若冷靜落來敢去想講:台灣hiah-ê phah m̄ê水溝仔蓋,到底走去位?

        最近網路流傳幾張相片,文字說明佇中國湖北武漢「楚天盧」餐廳邊仔,相片有翕tio̍h一間店名「海利咖啡語茶」頭前ê水溝仔蓋,一個有鑄「宜蘭市公物」、一個有鑄「內湖公物」,內湖kah公物中央猶有一個明明ê台北市標誌。中國別ê都市咧?咱若組幾個「走chhoē台灣水溝仔蓋旅行團」,去中國逐所探查,beh koh chhoē tioh偌濟台灣水溝仔蓋?台灣有chit款賊仔,中國有hit款政府!

        吐大氣以外,知有人beh喝口號無?「台灣水溝仔蓋統一中國!」

 
< Prev   Next >