首頁 arrow 綠色短評 arrow 魔神仔實在有夠厲害!

魔神仔實在有夠厲害! PDF 列印 E-mail
發表者 李南衡   
2012/02/24, Friday
        五六十年前作囡仔ê時陣,聽講厝邊阿火伯去山頂剉柴剉了beh轉來ê時,煞͘魔神仔牽去。原本黃昏暗tio̍h會轉來到厝,到天暗摸摸四五個壯丁去山頂chhoē tio̍hkā chhoā落來。講奇怪,阮故鄉所講ê山頂其實無偌懸,雖然比小山崙仔有khah懸,但是阿火伯一年至少去山頂有成百遍,目睭kheh-kheh mā摸有路thang轉來,厝邊頭尾議論紛紛。囡仔人有耳孔無嘴,恬恬聽大人講。有人講是黃昏暗了後山頂罩矇,阿火伯才會失去方向感;馬上有人應講,無m̄-tio̍htio̍h是罩矇才會講是「矇神仔」;有人講魔神仔有時會變作囡仔,有時會變作老大人來迷人拐人。Hit當時一下仔ùi中國撤退來台灣兩百幾萬大軍,臨時無hiah濟軍營,阮學校教室一半͘兵仔住。有人好奇問兵仔,中國大陸敢有「魔神仔」?解說歸晡,才講:有。不過中國人講作「鬼打牆」,一個人行佇山裡抑是墓仔埔、抑是暗時行佇生份ê所在,明明向一個方向直直行,行歸晡發現koh行倒轉來原本出發ê所在,無論按怎行都行出去鬼仔拍好勢ê牆仔,一直佇牆內底去,到戇神去、mā gô bē出去。

 

        過年了無偌久ê二月初二暗時,有三四個人佇台北市國父紀念館附近坐計程車,kah計程車司機發生爭執,有人起腳動手,對計程車司機kohkoh chàm,致使計程車司機昏迷住病院。有別台計程車司機用行車紀錄器歸個過程錄落來,交͘警方。原本一個誠單純ê刑事案件,會tàng舞到變作一個那像天大地大ê代誌,電視台每半點鐘報一擺最新發展,報紙逐工歸版報導koh掛評論,按呢猶無到氣,電視台談話性節目逐台逐暗評論,每台一工koh重報兩三擺,已經報二十幾工ahteh報。差不多所有ê媒體kah名嘴攏配合演出,可憐一寡原本頭殼清楚ê政論家那像mā hō͘魔神仔牽去,mā kah人講參落去、kah人鬥鬧熱,完全無去思考chit條新聞對台灣社會、對人民生活有啥意義?

        上奇怪ê是,到chit陣猶無人看出che是魔神仔teh作法,͘全台灣ê媒體kah名嘴攏陷入佇魔神仔所設計ê矇霧內底,二十幾工猶行出來,chit遍魔神仔͘人看tio̍h ê假象,是一個藝人Makiyo。魔神仔ê用意真清楚,就是͘全台灣ê媒體kah名嘴佇Makiyo ê假像內底,二十幾工猶gô bē出來,按呢台灣ê媒體kah名嘴tio̍h完全看bē tio̍h油、gá-suh逐項起價ê問題,bē tio̍h美國牛肉硬beh進口來台灣kah瘦肉精ê問題,kah真濟咱應該關心ê問題卻無去注意。

        咱若看chit二十幾工,全台灣陷入佇魔神仔所設計出來Makiyo ê假像內底,咱感覺台灣人真悲哀,當然佩服:魔神仔實在有夠厲害!

 
< 前一個   下一個 >