首頁 arrow 綠色短評 arrow 香港有例thang hō͘咱看

香港有例thang hō͘咱看 PDF Print E-mail
Written by 李南衡   
Friday, 02 March 2012
        最近美國《華爾街日報》編輯寫一篇文章〈香港͘英國管治顚倒khah好〉,結論講:「佇英國管治下,香港兼有享受雙方(指中英雙方)ê好處,有民主ê保護,koh有倫敦輸入高效率、心會驚惶(指廉政謹慎)ê行政人員。現在ê香港卻兼有兩極ê歹處:有愈來愈嚴重ê貪污,koh有專制政權加持ê軟腳蝦本地管治者。唯一ê好消息,是大眾傳播媒體猶會tàng自由iah政府ê垃圾代,不過chit種自由擋無偌久ah!」咱看香港回歸「祖國」十五年,有一半以上ê香港人認為不如回歸以前。香港大學對香港人做「身份認同指數」調查,選擇家己是「香港人」44%、選擇家己是「中國人」23% 1997年回歸進前,《遠東經濟評論》編輯bat講:「我期待而且相信,未來,有香港人對英國觀光客講:香港猶原是佇外國惡魔管治時陣khah好。」真害,十五年來愈來愈濟香港人按呢感慨!2003年五十萬人七月初一回歸日大遊行以來,不時都會看tio̍h遊行隊伍內面有人夯殖民地時代ê旗仔,che是對偉大「祖國」偌呢大ê諷刺!

 

        十五年來,中國kah特區政府佇香港上拚勢tehê工課,是趕beh kā香港「去殖民化」。中國人無檢討家己,顚倒怪香港人͘英國殖民統治了中毒傷深!1945年中國政府「劫收」台灣ê時,是拚勢beh kā台灣「去殖民化」,完全無考慮兩個完全無仝ê文化背景,m̄-batê behbatê,致使發生用機關銃掃射台灣人ê「二二八事件」。頂日政論家林保華寫文章講:北大教授孔慶東講香港人是「狗」,有隱含「關門拍狗」ê意思。中國收回香港,tio̍h kā香港當作中國ê一部分,一切ê一切攏是中國內政,包括「關門拍狗」在內。致使香港人真煩惱香港會發生「二二八」。

        問題是豬仔刣死才beh來講價,傷慢ah!香港回歸祖國ê蜜月期已經過了ah,早前中國講ê「五十年不變」原本就是假ê,「一國兩制」ê「一國」是真ê、「兩制」是假ê;那像馬英九一直堅持講白賊ê「九二共識」中ê「一中各表」,「一中」是真ê、「各表」是假ê。今仔日,香港人連家己選特首都無可能,當然kah咱台灣完全比得,咱ùi里長村長鄉長縣市長,鄉民代表縣市議員國會議員,一直選到總統副總統,che是偌呢偉大ê民主成就,香港人看kah嘴瀾水chho̍p-chho̍p tin,中國人tio̍h koh拚幾十年才做會到ê,咱那會使無保惜咧!

        過去四年,馬英九總統一直向中國hitphiân過去,koh一直強調有「九二共識」,台灣人戇mah-mahkoh͘伊連任。台灣人戇kah bē爬癢,mā màikah按呢日時仔烏白陷眠!頭oa̍t一下,香港有例thang hō͘咱看!

 

 
< Prev   Next >