首頁 arrow 綠色短評 arrow 是按怎,馬政府煞攏無責任?

是按怎,馬政府煞攏無責任? PDF Print E-mail
Sunday, 18 March 2012

        聽tio̍h馬政府講beh有條件開放瘦肉精美國牛肉進口,害全台灣的人攏緊張起來,想無che是啥物政府,beh強迫台灣人食有毒的美國牛肉?各縣市政府為tio̍h人民的健康起見,派出衛生局人員去各超級市場、大賣場、餐廳抽查,真正發現tio̍h一寡有瘦肉精的美國牛肉,依法沒收。Koh查出chiah-ê有問題的美國牛肉源頭的進口商,攏總沒收囥佇冷凍倉庫。

 

        三月十二,台北市環保局、衛生局會同一間進口商樹森開發公司代表,將查tio̍h封存佇高雄、基隆的倉庫,總量七千四百九十公斤的瘦肉精美國牛肉,拆除封條、開箱倒入去焚化爐完成銷毀。Chiah-ê攏是今年一月至三月,͘各縣市衛生局抽驗檢出有1.35 ppb瘦肉精的美國牛肉。

        今仔日,為tio̍h人民健康,檢出有1.35 ppb瘦肉精的美國牛肉tio̍h沒收銷毀。明仔載,馬政府beh開放10 ppb以下瘦肉精的美國牛肉進口,是為啥人?

        牛肉一公斤平均算400箍,七千四百九十公斤就是二百九十九萬六千箍,罰款四十八萬,銷毀牛肉處理費每噸一千八百五十八箍計算tio̍h開一萬三千九百十七箍,進口商樹森開發公司chit遍了三百四十八萬九千九百十七箍。假使樹森公司chiah-ê美國牛肉是走私入來的,hôngtio̍h hông銷毀hông罰錢,無論了偌濟,相信樹森公司鼻仔摸一下、無話講。

        問題是,樹森公司hông沒收銷毀chiah-ê牛肉全部是合法進口、經過海關檢驗合格、合法銷售的。是按怎佇超級市場、大賣場、餐廳抽查美國牛肉有瘦肉精,tio̍h沒收tio̍h罰錢tio̍h銷毀?2009年馬政府決定beh放寛美國牛肉進口的時,叫咱放心,因為政府有定「三管五卡」管制措施,三管就是管源頭、管邊境、管市場;五卡就是透過核對各項證明文件、明確標明產品資訊、開箱進行嚴密檢查、切實檢驗食品安全、資訊連線即時查明。借問一下,馬政府一管卡做有夠?設使佇海關開箱就驗出美國牛肉有瘦肉精,進口商樹森公司the̍h政府的檢驗證明,但會使全部退還美國出口商,koh會使要求賠償,叫美國出口商tio̍htio̍h in的欺騙行為付出代價。必要的時,政府應該出面幫助台灣進口商請求賠償。按呢,樹森公司那tio̍hhiah濟錢?其他猶有幾間進口商所進的美國牛肉mā hôngtio̍h有瘦肉精,in的損失猶未算出來neh

        馬政府中央無認真執行「三管五卡」,各縣市政府衛生局那有面去kâng開罰單kâng沒收kâng銷毀?中央政府失職,煞克虧tio̍h守法進口的生理人。

        馬政府準作無事人仔、那像攏免負責任。敢猶有公理?

Last Updated ( Wednesday, 21 March 2012 )
 
< Prev   Next >