首頁 arrow 綠色短評 arrow 到底啥人為難啥人?

到底啥人為難啥人? PDF Print E-mail
Written by 李南衡   
Friday, 06 April 2012
        三月二七半暝,為tio̍h都市更新beh起「文林苑」,台北市政府下令,強拆獨立產權兩戶的王家古厝。動用一千兩百名鎮暴警察、beh掠強盜土匪、是硬聲援的教授、學生kah民間團體強掠走,怪手王家拆平。

 

        台灣的輿論會使講是一面倒,九成以上的言論指責台北市政府過頭粗魯,而且有違憲的所在。第二工郝市長講伊是依法行政,伊講:「佇kah九十五葩人數之間,市政府tio̍h作抉擇,依法執行才會tàng照顧tio̍h大多數人的權益。」《憲法》第十條規定:人民有居住kah遷徙的自由。第十五條規定:人民的生存權,工作權kah財產權,tio̍h kā保障。郝市長聲聲句句講「依法行事」,敢知《憲法》是國家的基本大法,憲法的效力比本國其他法律kah法規koh khah懸,若kah《憲法》相牴觸者無效。那會使the̍h「惡法亦法」來作政府違法損害人民權益的擋箭牌咧?何況,人民的生命kah財產,是百分之百全體人民所享有的,絕對使講啥物tio̍h犧牲五葩去成全九十五葩的利益。那像九個惡徒beh強一個少女,那會使講你少數tio̍h服從阮多數的決定;那像九個強盜逼一個人身軀所有的錢the̍h出來͘ in,講che是少數服從多數的決定。當然使!絕對通!

        續落去,每工都有抗議者去王家hông拆平的所在幫忙王家beh按怎恢復家園,一方面,有真濟抗議者去郝龍斌市長的官邸牆圍仔外抗議。郝市長講:「請抗議者m̄-thang為難基層公務員。」chit句話無m̄-tio̍h,因為基層公務員是奉命去執行公務的,問題出佇施發命令的郝市長,你那會使為難基層公務員去做違反人性、違背憲法的代誌咧?伊koh講:「請抗議者mài干擾阮厝的人。」chit句話真正確,一家之主當然有權利kah義務維護厝裡的人的安全kah正常生活。過郝市長一心顧in兜生活佇牆圍仔內官邸的人,敢有想tio̍h͘你用公權力硬拆作平地王家的大大細細beh按怎生活?

        郝龍斌市長上愛講「依法行事」。王家有土地所有權狀,王家的厝是百外年前起的完全合法的厝。你郝市長憑啥物拆人的厝?四月初四,王家的人佇立法院舉行記者會講,台北市政府建管處表示,實施者(建商)已經併案申請建築執照kah拆除執照,而且完成併案核發執照。但是都更受害者聯盟發現,執照頂面寫明拆除面積36戶,也就是地主同意的範圍,並無包括王家在內。市政府受理申請代為拆除的時,tio̍h要求建商檢具拆除執照。也就是講市政府建商並無拆除王家的執照,竟然倩怪手強王家兩棟合法的建物拆掉。按呢敢是「依法」?

        請問郝龍斌市長,到底是啥人為難啥人?

 
< Prev   Next >