首頁 arrow 綠色短評 arrow CPI敢是按呢喝玲瓏!?

CPI敢是按呢喝玲瓏!? PDF Print E-mail
Written by 李南衡   
Friday, 20 April 2012
        消費者物價指數,英文簡稱作CPI,是觀察通貨膨脹的重要指標,所以一直是全世界各國政府kah人民所關心的指數。馬政府chhoā頭油kah電起大價,CPI那有可能衝過頭咧!人民緊張、立委tio̍h拚勢質詢。

 

        每一國CPI的計算方式無完全相仝,像講咱台灣的CPI攏總有295項目包括食物類、衫仔類、居住類(包含厝租kah水電燃料)、交通類(包含油料費、交通服務費)、醫療保健類、教育娛樂類、kah雜項類(包含理容服務費)七個基本分類。油已經走代先一立起三箍,電講五月十五以前一定beh起,大學學雜費原本mā beh做夥起,哀父叫母的聲過頭大,改講年底才beh起,健保費延到明年才beh起。想看覓,油電一下起,生活中七大類有一類無牽涉tio̍h

        今年一月至三月CPI1.26%,三月二六,行政院主計長石素梅佇立法院備詢的時講,油價若起一成,會影響CPI0.357%,電費若起一成,會影響CPI0.356%,鬥起來是CPI會增加0.713%。以目前電價起1635%來看,起價超過一成以上,熱人電價beh koh起一擺,互相加乘效果之下,一定會帶動民生物價參落去起。石主計長講伊實在真煩惱今年CPI有可能會破2%。但是,會拍拚佇2%以下。目前行政院已經成立穩定物價小組,希望會tàng kā CPI控制佇2%以內。意思是講干單政府會使起價,但是因為受tio̍hkah電雙重起價影響的各行各業攏使起!Intoè政府起價就是哄抬物價,tio̍htio̍h罰!借問一下,ta che是啥物政府?比烏道koh khah無講道理!

        馬英九總統chhoā頭油電雙重起大價,那像伊作老大的佇水頭水撈kah濁濁,叫水尾的人水tio̍h保持清氣。伊指示講,各種生活物資使起價,今年CPI一定tio̍h維持佇2%以內。第二工,經濟部長施顏祥佇立法院經濟委員會中,面對民進黨立委蘇震清的質詢時,伊照旨宣讀講,政府已經宣示beh積極採取各種無仝的手段平抑物價。目標真清楚,全年CPI一定tio̍h維持佇2%以內,講伊若做到,應該負責任tio̍h負責任。伊承諾講:「若做無到,我落台!」

        咱台灣人kah人相輸的時,上愛講的一句話是:我若輸你,我頭͘你刴起來作椅仔坐。奇怪,我坐你的頭有啥趣味?咱老百姓生活歹過是咱teh歹過,經濟部長施顏祥落台,kah咱老百姓的生活有啥關係?

        寶華經濟研究院kah巴克萊預估今年CPI接近2%中華經濟研究院預測下半年CPI會漲破2%、超過2.3%;美林證券預估今年台灣CPI會增加到2.2%;政府講beh2%以內。拜託咧,消費者物價指數CPI敢是按呢喝玲瓏!?

 

 
< Prev   Next >