首頁 arrow 綠色短評 arrow 治國那是按呢練siáu話!

治國那是按呢練siáu話! PDF Print E-mail
Written by 李南衡   
Friday, 27 April 2012
        你可能bat聽人講一寡飯後助消化的笑談,像講「人活長命的秘方是siá?」答案是「mài bē記得喘氣(華語講作:不要忘了呼吸),tio̍h bē死。」「離婚上主要的原因是siá?」答案是「結婚。」意思是講若無結婚,beh那會離婚?你聽tio̍h chit款笑談,無可能準作正經話來聽,一般是聽了笑兩聲準拄好。

 

有人可能猶會記得,一月十四,馬英九當選連任總統hit暗,佇競選總部發表感謝詞的時講:「我會認真來檢討,有啥物政策受人民歡迎的,阮會繼續去做,有啥物政策是受人民批評的,阮會檢討、會改進,必要的時陣,會kā hit種政策停掉。」話講無三個月,伊第二任猶未就任,tio̍h完全反口供。實在會hông驚、會hông受氣。美牛議題koh油電作夥起價,所造成的民怨一工比一工khah懸,伊閃來匿去,無beh面對鏡頭向全國人民說清楚講明白。拖到四月初六,才接受《聯合晚報》獨家訪問,伊強調能源調整起價,雖然是痛苦的過程,卻是必要的做法;另外,開放有瘦肉精的美國牛肉進口,使無通過!因為牽涉tio̍h國家信用問題。伊認為:teh beh進入第二任任期,無應該koh去扶(pô͘)選民!

佇訪問中,馬英九總統講一句,聽了會hôngkah phùi血的話是:美國牛通過了後,國人無想beh食的,會使mài食,若無去買、tio̍h無代誌。

明其知有瘦肉精的美國牛肉有毒,咱一直准伊進口的理由是啥?顧tio̍h人民的健康。Chit遍馬政府講beh准伊進口,到底是為tio̍h啥?牽拖啥物國家信用!無理無由beh准有毒的美國牛肉進口,煞講你若màimàitio̍h無代誌!Che那是一個精神正常的人講會出來的話咧!何況是一國的總統?若是馬英九總統chit句話講會通,按呢禁一般毒品進口敢猶有啥理由?你若màimàitio̍h無代誌,任何毒品無需要禁,若正式開放進口,政府kohtàng khioh稅趁大錢;按呢全民反對油電作夥起價煞變作足無道理neh!你mài用電,你tio̍h hō͘伊起bē tio̍h,你看台灣電力公司講in真好心,每個月百二度以下的用戶無beh起價。奇怪,台電公司那會無學馬英九總統教咱攏講mài用電,就完全免納電費咧!仝款道理,你mài開自家用的汽車、màio-tó-bái,油起價,你͘伊起bē tio̍h,油起價kah你有啥關係?原本講大學學費mā beh起價,你驚啥?你若mài去讀冊,學費起價kah你有啥關係?因為油電起價,聽講所有的物價攏有beh tín動,若照馬英九總統的講法,免驚,你若mài活,物價按怎起bē tio̍h你!

怪來怪去,干單會tàng怪一月十四hit六百八十九萬選馬英九hiah-ê人。若無,咱那tio̍hhit-ê bē曉治國的總統,佇hiasiáu話!

 
< Prev   Next >