首頁 arrow 綠色短評 arrow 馬英九總統連任就職,那會歸土腳攏是破雞kui仔!

馬英九總統連任就職,那會歸土腳攏是破雞kui仔! PDF 列印 E-mail
發表者 李南衡   
2012/05/18, Friday
        五月二十,馬英九連任總總統就職典禮,全台灣滿四界攏有聽tio̍h pi-pí po̍k-po̍k的聲,你千萬m̄-thang誤會是有人放炮teh kā慶祝,原來he是馬英九四年來烏白歕雞kui,歕歕破破去的落氣聲。

        Ùi馬英九競選總統到ta四年外,伊所歕的雞kui會使講算地濟。第一粒上súi上古錐的雞kui仔號作「馬上好」,意思是講若͘伊當選總統,台灣tio̍h會馬上好。無疑誤伊ta-á當選,tio̍h po̍k一聲,雞kui「馬上破」!馬英九競選講話驚人無愛信,掠一大陣當時中國國民黨執政的縣市長出來背書,用電視廣告大聲講:「阮準備好ah!」等馬英九當選了,歸個政府li-lí la̍k-la̍k,逐個kohtio̍hkui仔破去po̍k的一聲。競選期間馬英九喝上大聲的口號是「六三三」,講伊若當選,台灣平均每年經濟成長率6%、失業率會降到3%以下、平均國民所得達到美金三萬。Chit粒雞kuikhah大粒,連續pōng三大聲,害一寡人想講是beh反攻大陸ah!事實是,佇馬英九總統治理下台灣一工比一工khah bái,離伊講的「六三三」愈來愈遠。台灣人隨時質疑,馬英九敢是講伊若達無到,beh學韓國的李明博大統領捐出薪水的一半?kohtio̍h po̍k一聲,chit聲有khah細聲,連chiah大粒仔的雞kui仔也歕破去,實在有夠落氣!koh有伊下腳手的人出來辯解,講「六三三」的目標是伊第二任做煞的2016年才beh達到的。Chit是雞kui仔歕破的聲,“chhū-chhū”叫比較khah sêng放屁的聲。

        2008年總統大選前,馬英九坐船出海宣佈伊的海洋政策,包括設立海洋部,確立南海「主權在我,共同開發」的立場。咱先聽tio̍h po̍k一粒雞kui仔破去的聲,看土腳hit粒雞kui仔頂面有寫三字「海洋部」。Ùi舊年一直亂到最近,中國、越南、菲律賓三國為tio̍h南海主權問題吵未煞。馬英九總統恬恬無半聲,莫怪有囝仔發音無正叫伊「馬é-káu」,chit粒雞kui仔恬恬仔破去攏無聲。

        2011年底,總統大選期間,馬英九koh歕一粒大粒雞kui叫作「黃金十年」,咱聽tio̍h隨時想起「金光黨」,用假的黃金騙小貪無常識的人,可憐的是台灣有六百八十九萬人戇戇͘「金光黨」騙去。一月十四選了到昨昏五月二十伊就職,馬英九無選舉壓力ah,伊敢現出真面目͘人看,beh開放有毒的美國牛肉進口,講你若màimàitio̍h無代誌;中油kah台電內部破一孔烏lang-lang無想beh補,顚倒掠全台灣人民來「thap涵孔」,kohchit陣若無作一遍疼,後擺會koh khah疼!六百八十九萬大多數的人到ta才知影͘金光黨騙去,反悔都傷慢ah

        馬英九總統連任就職,那會歸土腳攏是破雞kui仔!

 
< 前一個   下一個 >