首頁 arrow 綠色短評 arrow 財政部長劉憶如落台有啥冤枉?

財政部長劉憶如落台有啥冤枉? PDF 列印 E-mail
發表者 李南衡   
2012/06/01, Friday
        劉憶如佇舊年選舉期間,身為經建會主委竟然敢假造資料,舞一件無影無跡的「宇昌案」來枉屈民進黨總統人蔡英文,那像小卷仔teh phū烏煙,抹烏蔡英文有功勞。馬英九當選總統,論功行賞,緊͘劉憶如作財政部長,叫伊推動「證券交易所得稅」,beh佇歷史留名。

        劉憶如三月二八開始推動證所稅,希望會tàng五月二十馬英九第二任總統就任進前完成立法,送͘馬英九就任一個大禮。劉部長所提的方案,佇行政院院會通過了送去立法院,中國國民黨籍立法委員刣中國國民黨政府的行政院,刣到流血流滴,有影是家己刣thàng腹內!In那有管你股市一片哀父叫母,台灣股值佇中國國民黨府院內鬥的大火中,那像一鼎滾水一直蒸發,兩個月蒸發掉新台幣二兆外,知可憐的股民beh去叼位chhoē啥人討?

        劉憶如佇立法院pōng tio̍h壁,當然tio̍hsai-nai去哭死賴馬總統。馬英九特別五月初九中國國民黨中常會,邀請財政部長劉憶如專題報告「課徵證所稅的意義kah效益」,報告聽了,馬英九黨主席koh一擺宣示政府推動證所稅的決心。逐個佇電視新聞攏有看tio̍h馬英九的「一指神功」,直直比講:「一定推到底!」劉憶如那像食tio̍h「強心丸」啥物攏驚,目睭底無半人!

        ͘keng-thé叫作「財團委員會」的立法院「財務委員會」的中國國民黨立委,那有可能「照單全收」咧?In真巧、當然坦白講行政院版本無合財團的意,總是ingâu講一寡有孔無榫的理由,提出幾個版本出來比。照理講,若是行政院版無好,立法院應該退回行政院,in無按呢做,無愛行政院版講,講劉憶如按怎按怎,審法案煞變作針對財政部長hit-ê人。

        chit-ê時陣馬總統已經完全聽立法院「財團委員會」的話,所以才會講chit-ê͘通過khah要緊,內容會使chhiâu。劉憶如戇戇知芳臭,講啥物「四月初五看tio̍h油電雙漲的消息mā gāng去,若早tio̍h知影beh油電雙漲,我就bē tī三月二八做這種代誌。」Che明明teh kā馬英九洗面,是馬英九發動油電雙漲koh叫劉憶如推「證交稅」的!莫怪全國人民gāng去!

        Chit-ê時陣馬英九已經順風駛船、西瓜依大旁ah!劉憶如猶知馬英九講「公平正義,量能課稅」攏是講假的。劉憶如上m̄-bat字是,五月十七koh馬英九的心腹吳育昇投講:馬英九總統叫我推證所稅,伊那免出來整合?

        Piáng」一聲,財政部長劉憶如現khiau去!雖然是死佇戰場,卻是家己的人ùi後壁拍死的。按呢,財政部長劉憶如落台有啥冤枉?

 
< 前一個   下一個 >