首頁 arrow 綠色短評 arrow 美國牛啊,冤枉哦!

美國牛啊,冤枉哦! PDF 列印 E-mail
發表者 李南衡   
2012/06/15, Friday
        新聞報導美國牛tio̍h beh佇立法院表決,六月初九,馬英九總統講,「政府進口美國牛絕對犧牲國民健康,民眾會tàng選擇mài食。」請逐個聽͘清楚,ùi馬總統、行政院陳沖院長、一直到中國國民黨立委,以及大部分的新聞媒體,攏總「含有瘦肉精的美國牛肉」簡單講作「美國牛肉」,͘一寡知頭尾的外國人,想講台灣的三個在野黨kah台灣人真無道理,是按怎反「美國牛肉」進口咧!馬英九kah中國國民黨政府thiau工講͘伊含糊,造成一個印象:台灣的在野黨kah台灣人反「美國牛肉」進口,反「美國牛肉」就是反「美國」!

 

        事實上台灣無人反對「美國牛肉」進口,咱反對的是「含有瘦肉精的美國牛肉」進口。咱按呢反對,到底有啥m̄-tio̍h?咱的法律敢是一直規定所有外國進口的牛肉一定tio̍h做到瘦肉精「零檢出」?為什麼按呢規定?政府為tio̍h國民的健康才tio̍h規定chiah嚴。Che是一個政府應有的權利是責任,無地推!

        馬英九總統講,「政府進口美國牛絕對犧牲國民健康,民眾會tàng選擇mài食。」Chit句話本身tio̍h足奇怪。若是好食物絕對無問題,根本無必要一個總統出來講「會tàng選擇mài食。」世間那有一個總統會出來人民講:「飯,民眾會tàng選擇mài食;水,民眾會tàng選擇mài飲。」除非伊明明知影hit種飯抑是hit種水真正有問題。

        馬政府有意beh開放含有10ppb以下瘦肉精的美國牛肉進口,馬英九總統掛保證講,「政府進口美國牛絕對犧牲國民健康。」按呢,到chit陣為止咱法律規定,無論ùi叼一國進口的牛肉中攏tio̍h「零檢出」瘦肉精,是做假的?若是馬政府beh開放含有10 ppb以下瘦肉精的美國牛肉進口,koh講絕對犧牲國民健康。按呢,今年三月全台灣拚到piāng-piāng叫,掠有毒的牛肉掠到臭青荒,檢出含有1.35 ppb的美國牛肉沒收tio̍h七千四百九十公斤,拆掉封條、開箱倒入去焚化爐完成銷毀,生理人tio̍h koh hông罰錢。若照馬總統講︰「絕對犧牲國民健康」,按呢三月仝一個馬政府敢是討債好食物?克虧tio̍h生理人的財產?

        你看消基會kah主婦聯盟台中分會所做的「反瘦肉精美國牛肉的面冊活動」,tio̍h真清楚,口號是:「立委聽͘好!阮無愛瘦肉精!」

        台灣人是反美國人、mā m̄是反美國牛。事實上,美國牛肉一直有進口,連美國人一直真受歡迎。咱反的是含有瘦肉精的牛肉,無論伊ùi叼一國進口,咱攏仝一個標準。

 

        馬英九總統講咱反對美國牛進口。美國牛啊,冤枉哦!

 

 
< 前一個   下一個 >