首頁 arrow 綠色短評 arrow 同意核二廠一號機重新運轉,可惡!

同意核二廠一號機重新運轉,可惡! PDF 列印 E-mail
發表者 李南衡   
2012/06/22, Friday
        全台灣chia地動、hia大雨,立法院三個在野黨kah執政的中國國民黨佇立法院拼瘦肉精美國牛肉進口問題,逐個無閒chhih-chhih,氣象局koh宣布泰利風颱會帶來車桶倒的大雨,恐驚會真恐怖!

 

        無想tio̍h koh khah恐怖的代誌發生,行政院原子能委員會偷偷仔風颱beh來的六月十八,發新聞稿講:台灣電力公司提交的「核二廠一號機反應爐支撐裙板底座錨定螺栓斷裂事件kah修復後運轉安全評估」報告,已經經全體審查委員同意通過,允准核二廠隨時啟動重新運轉。

        因為「底座錨定螺栓」斷裂有危險性,所以核二廠一號機才tio̍h停止運轉。「底座錨定螺栓」到底是啥物碗糕,老實講咱實在m̄-bat。彭明輝教授是質疑換6tio̍h開美金三百萬有傷貴bohmā m̄是質疑另外hit 114tio̍hboh?伊的問題是:無應該歹的是按怎會歹?全世界自了m̄-bat發生過的,是按怎咱會發生?台灣電力公司tio̍h講一個道理͘咱聽。若無,tang時仔hit 114粒會按怎歹、beh歹幾粒無人知,按呢未免過頭危險!台灣電力公司攏無解釋,行政院原子能委員會竟然會tàng全體審查委員同意通過准in重新運轉!

        人講「無米kohtio̍h閏月」,實在有影。六月十八,行政院原子能委員會發布新聞稿確認,核二廠一號機三月大修的時tio̍h知影,「爐心襯鈑銲道」有兩位pit巡,上長有接近30公分,原子能委員會核能管制處處長陳宜彬對媒體講,這是沸水式反應爐的老問題,核一廠有。講kah那像誠輕鬆。

        六月十八,環保團體kah立法委員田秋堇開記者會,表示無法度瞭解,核二廠一號機爐心襯鈑pit巡的問題猶未解決,為啥物台灣電力公司趕緊beh重新運轉咧!上奇怪的是原子能委員會坦白講,佇編號H4的銲道發現的兩位pit巡,比六年前確實有加khah長,一位29.6公分、六年前是10.4公分;另外一位11.6公分、六年前是1.6公分。綠色消費者基金會董事長方儉表示,日本福島核事故一下發生,除了地動、海漲(tsunami)以外,上͘人煩惱的是「爐心襯鈑pit巡。伊若受tio̍h破壞,tio̍h無法度發揮安全停機的作用,致使福島核電廠三個機組發生爐心熔毀。」作家劉黎兒講日本核能廠bat發生爐心襯鈑pit10公分tio̍h足緊張,咱pit巡近30公分猶輕輕鬆鬆,伊認為咱原子能委員會的神經是普通仔大條。咱若發生事故,全民無地走!而且現此時備載容量有3040%,根本免擔心無夠電。那會無愛修理到安全才來運轉?知台灣電力公司teh急啥物?

        mā m̄知原能會teh急啥物,同意核二廠一號機重新運轉。可惡!

 
< 前一個   下一個 >