首頁 arrow 綠色短評 arrow 音樂誠有力!

音樂誠有力! PDF 列印 E-mail
發表者 李南衡   
2012/07/20, Friday
        今年(2012)六月二三,第二三屆流行音樂金曲獎頒獎典禮,「五月天」以《第二人生》專輯得tio̍h五個獎以外,《諾亞方舟》一曲tio̍h最佳年度歌曲獎。佇 頒獎晚會中「五月天」演出《諾亞方舟》時,舞台背景出現大量近年來環境議題字樣,包括六輕大火、示威遊行民眾定定遭遇tio̍h的「行為違法」看板、台北好好拆、台東美麗灣、「我是人我反核」kah核爆畫面片段相接入鏡頭。͘ koh khah濟人思考土地kah環境的問題。莫怪「五月天」會hông阿佬喝讚!不過,北部人kah西部人對「台東美麗灣」有khah生疏有khah無關心。

 

        原來「台東美麗灣」事件已經佇台東舞八年猶未舞煞。2004年台東縣長徐慶元台東海岸刺桐灣部分土地以BOT方式五十年租期交͘「美麗灣渡假公司」興建渡假飯店。2007年環保團體向高等法院提告,要求美麗灣停止開發行為,第二年法院判決台東縣政府kah美麗灣飯店敗訴,但是台東縣政府繼續上訴最高法院,而且快速通過第五次環評͘美麗灣飯店繼續施工。2008年環保團體向高等法院提出環評無效訴訟,半年後縣政府koh hông判敗訴,台東縣政府環保局koh提出上訴。2010年最高法院判定美麗灣飯店tio̍h停工,九月現任縣長黃健庭卻核發美麗灣渡假村第一期建物旅館部份的使用執照。無人有法度理解抑是解釋的是:法院既然判敗訴,是按怎台東縣政府會使繼續核發使用執照?三任的縣長攏無法院的判決看在眼內,台灣敢猶有「法」?最近,台東縣政府發函要求美麗島灣飯店停工,業者卻繼續裝潢準備營業。台東敢猶有「政府」?

        環保團體kah一大陣藝人決定七月二一到二七,請逐個去台東杉原海灣參觀「拒絕美麗灣-沙埔、海洋-永遠的天堂」事件展,二七下晡開始舉辦音樂會,希望藉tio̍h音樂的純粹力量,凝聚koh khah濟公民意識,關心台灣的環境kah土地。真感心的是包括巴奈、FIR飛合唱團、張懸、何欣穗、董事長合唱團,猶有濟濟關心疼惜台灣的歌手kah樂團攏會拚去參加演出。趣味的是舊年得tio̍h全國創意官將首第一名的台東震天宮的駕前官將首成員,會去表演鬥鬧熱。

        那像藝人李宗盛所講的,ta已經是啥物時代ah,舞建設猶想講一定tio̍h起厝?he是十年前的思維。伊希望政府會tàng保留好山好水吸引世界觀光、促進台灣的發展。伊講:Beh按怎愛故鄉?憑良心toh tio̍h lah

        佇杉原海灣的音樂會,無閃閃爍的燈光卻有滿天的天星、無舒適的座椅卻有平坦的沙埔,無高級的音響卻有海湧的聲音kah歌聲。希望逐個大聲唱出我愛「美麗島」,大聲喝出tio̍h拆「美麗灣」,用歌聲來疼惜台灣、保護土地!

 
< 前一個   下一個 >