首頁 arrow 綠色短評 arrow 衛生署食品藥物管理局加油!

衛生署食品藥物管理局加油! PDF Print E-mail
Written by 李南衡   
Friday, 17 August 2012
六月二九,衛生署公告beh修訂的「食品中原子塵或放射能污染安全容許量標準」,chit-ê修訂內容有牽涉tio̍h國人的食品安全,若是對草案內容有意見,ùi公布日第二工到八月三十、六十工內向該署食品藥物管理局提出意見。

咱看修訂內容,像講:擴大新增加鍶-89、鍶-90、釕-103、釕-106、鈽-238、鈽-239、鋂-241等七種放射性核種佇乳品、嬰兒食品kah其他一般食品中的限量規定,是進步的所在。其他像講碘的含量,規定乳品安全容許量55、嬰兒食品55、其他食品300,比日本、歐盟攏低真濟。事實上衛生署食品藥物管理局有影為咱台灣人做真濟,咱阿老、感謝!

另外,像講乳品kah嬰兒食品中銫134+銫137的容許含量ùi每公斤370貝克,減到每公斤200貝克,雖然有進步,但是咱希望會tàng koh khah進步,因為咱知日本的容許量是50貝克、咱的四分一niā-niā

但是͘咱嫌的是一般食品中銫134137的容許含量,無降低tio̍h真害ah,煞顚倒the̍h懸,ùi每公斤370貝克增加到每公斤600貝克。͘咱想曉的是,日本今年(2012)四月,才一般食品的容許量降低到每公斤100貝克,咱煞比日本的標準懸六倍。會hông煩惱的是,咱台灣有真濟食品是ùi日本進口的,土想知影,一旦咱的標準提懸到每公斤600貝克,真濟超過日本標準100至台灣標準600 chit中間的日本食品,一定會溢溢來台灣。衛生署食品藥物管理局食品組長蔡淑貞講,日本食品若是輻射超標就無法度販售kah出口,拼拼賣來台灣是無可能,若是未來抽驗日本食品,就是講符合台灣標準,只要超過日本標準是會擋落來。蔡組長可能知「走私」chit句話。咱相信衛生署食品藥物管理局食品組無可能有hiah濟腳手去查走私貨,萬一͘你查tio̍h,你beh用叼一支嘴講人符合台灣標準的食品使佇台灣販賣咧?

銫對人體的危害誠大,特別是銫137的半衰期三十年,容易͘咱人的組識受tio̍hβkahγ的輻射,增加tio̍h癌的風險。一般食品中所含的銫134137的容許含量為啥物beh提懸到每公斤600貝克?消基會、台北律師公會、林口長庚醫院臨床毒物科主任林杰樑等團體kah專家攏懷疑提懸的目的kah必要性。

上好是修降一般食品中的容許含量,嚴格到kah日本仝款:每公斤100貝克。咱真歡喜聽tio̍h衛生署有回應,講in會重新評估無仝的意見。按呢,咱會定定會記得衛生署食品藥物管理局答應咱台灣人講 in beh:守護飲食用藥安全、創造安心消費環境。相信衛生署食品藥物管理局一定做會到,加油!

 
< Prev   Next >