首頁 arrow 綠色短評 arrow 狗傍(pn̄g)虎威的吳副總統隨扈

狗傍(pn̄g)虎威的吳副總統隨扈 PDF 列印 E-mail
發表者 李南衡   
2012/08/24, Friday
八月二二出版的《壹週刊》報導,負責副總統吳敦義維安任務的和平警衛室,傳出隨扈集體收人的茶水錢事件。報導講,吳副總統的隨扈定定以執勤誤餐、需要買點心、飲料補充體力作理由,要求吳參訪的單位贊助經費,甚至向參訪單位討萬五至三萬不等現金,而且誠大辦佇現場分錢,真正͘人想攏無那敢按呢?

 

《壹週刊》指出,國安單位頂月日接tio̍h檢舉了後,隨時指示特勤中心kah警政署保六總隊督察人員,分別針對和平警衛室軍、警職人員展開全面約談。其中屬第二警官隊的隨扈林守義,ùi吳敦義擔任行政院長tio̍h負責貼身保護吳敦義,當時tio̍h有人看見林守義向接待單位the̍h錢,才koh͘現場的維安人員。林守義受調查的時,坦承講確實有向參訪單位討茶水錢,才koh͘所有出勤人員,林守義因為按呢已經受調職處分。

保六總隊指出,接tio̍h國安單位通報了後,tio̍h隨時全面徹查,發現借調執行副總統特勤的十四人,干單林守義一個人有涉案,絕對無週刊所講的「集體討茶水錢」。根據調查,林守義承認bat被動the̍h tio̍h三百箍茶水錢。Tang時仔佇叼位接受叼一個單位的茶水錢,林守義講,因為當時競選行程相當滿,伊已經記得ah,干單會記得去年十一月二一至今年五月間的某一工,佇「北部地區」執勤的時被動收tio̍h。想看māiùi 2009年九月初十到今年七月,三十幾個月,林守義有影干單一遍,而且是「被動」收tio̍h茶水錢,你敢會信?吳敦義ùi行政院長到副總統,去參訪啥公司啥單位,若是吳敦義的貼身隨扈開嘴討茶水錢,啥物單位攏會趕緊the̍h hō͘伊,逐個攏是想講:小可錢、錢了人無代。

早前阮佇庄腳有一個菜園,內底有種一欉柭仔。厝邊頭尾的囡仔會偷入去挽柭仔。有一遍一個囡仔當teh偷挽的時͘我掠tio̍h。我足大聲問伊:你來偷幾擺、五擺抑是六擺?伊雄雄應講:五擺。當然伊揀khah少的,假使我若問:你bat來偷挽幾擺?伊一定會應一擺。我想是保六總隊ham-bān問話。林守義三講四落氣,伊講「當時競選行程相當滿,已經記得ah,」koh講「干單會記得去年十一月二一至今年五月間的某一工,」今年一月十三暗就無競選活動,到今年五月猶有啥競選行程?保六總隊講絕對無週刊所講的「集體討茶水錢」,當然!一個人代表去討去the̍h來分tio̍h足夠額,那tio̍h親像小學生分便當排列去領咧?

Koh講林守義講茶水錢是伊「被動收tio̍h」的,che hō͘咱想起佇中國離奇死亡的民運人士李旺陽,中國講伊是「自殺」死的,香港媒體罵講伊是「被自殺」死的。tang時仔,林守義先生mā chiah gâuchit字「被」字,失敬失敬!

 
< 前一個   下一個 >