首頁 arrow 綠色短評 arrow 反對運動音樂攏是行佇頭前!

反對運動音樂攏是行佇頭前! PDF Print E-mail
Written by 李南衡   
Friday, 31 August 2012
        八月二五暗,台北The WallChit堵壁音樂」舉辦一場「核電歸零音樂會」,包括濁水溪公社、拷秋勤、農村武裝青年、林生祥、吳志寧、ECHO柏倉、滅火器、1976、巴奈、陳綺貞等十個團體kah歌手來義演。請逐個來聽音樂、來談核能。hit早起六七點tio̍h有人來排列,演唱會場會使講是chi kah beh piak去,chiah精彩的音樂會卻無賣門票。「你若有反核的決心」tio̍htàng入去,有影真特別!發起chit場音樂會的「Chit堵壁音樂」執行長傅鉛文講反核才是社會主流。

 

以「官逼民反」一曲佇全台灣聲援各種反對運動的拷秋勤樂團唱〈詐騙集團〉,來說明政府kah台電按怎以「經濟發展需要重工業,重工業需要電力,若無核電tio̍h會無電thang用」來欺騙社會;武裝農村青年主唱阿達演唱〈囡仔你敢知〉kah〈魔鬼的禮物〉送͘後一代的少年人,對留落核廢料、污染的環境kahliú-liú的社會,感覺真失禮;林生祥分享伊佇《車諾比的悲嗚》hit本冊讀tio̍h遭受核災的囡仔bē háu mā bēah,作老父的伊心真疼,伊唱2001年交工樂團時代的作品〈非核家園進行曲〉,真濟少年人kah伊鬥陣唱變作大合唱;每一遍吳志寧唱tio̍h「貢仔寮你好boh?」少年聽眾tio̍h大聲應講:「阮無愛核電廠!」閃靈主唱Freddy忽然間出現當然造成轟動,佇台仔頂伊示範按怎用手機仔簡訊連署反核,伊大聲宣佈伊所傳的文字:「恁父是人,我反核!」算是回應馬英九講無人反對核電的白賊話;有「台灣上súi聲音」的巴奈,伊的吉他貼各種社會議題的貼紙貼kah滿滿是,伊唱〈你知影你家己是sián boh?〉希望逐個目睭peh hō͘金,仔細檢驗白賊話。沈甕底的好酒是陳綺貞,伊講前一位演唱者巴奈hiah súi的歌聲,表示台東無需要核電tàng hō͘逐個hiah súi的音樂,卻tio̍h承受核廢料的威脅,「假使台北人若無關心chit項代誌,實在是見笑代!」

1963年美國人權鬥士馬丁路德.金牧師,為tio̍h反對種族歧視、爭取烏人人權,chhoā幾十萬人佇美國首都華盛頓遊行的時,逐個手牽手唱出“We Shall Overcome!”(咱一定會嬴)﹔1985年美國歌手Paul Simon去南非,佇約翰尼斯堡kah南非的歌手、樂團車輪戰,ùi下晡唱到暗時,現場十外萬人佇Paul Simon帶領下唱hit首:〈Mandela還阮!〉四年後Clerk當選總總,27年的民主鬥士Mandela放出來,伊1994年當選第一遍完全民選的南非總統,做到1999年。

八月二六,一陣客家歌手為華隆人唱歌,九月初七,1976樂團有邀請陳昇、黃連煜、熊寶貝等樂團為土地正義beh koh辦一場免費音樂會。足歡喜咱台灣kah全世界同款,反對運動音樂攏是行佇頭前!

 
< Prev   Next >