首頁 arrow 綠色短評 arrow 愛國愛kah變土匪!

愛國愛kah變土匪! PDF Print E-mail
Written by 李南衡   
Friday, 21 September 2012
因為日本kā in叫作「尖閣群島」的「釣魚台」國有化,引起中國反日抗議示威,到「九一八」hit工舞到上盡磅,報導講上濟的時,全中國有超過一百十個城市teh反日示威遊行。每一個城市都有幾千幾萬人,會使講是空前。一個完全無集會言論自由的國家,若無執政者中國共產黨tìm頭,啥人天借膽敢chiah呢無準節?佇日本駐中國大使館門口示威抗議翕相了後,tio̍h離開換別隊來,有人佇路口收國旗,發͘後一梯次遊行示威的人;有人ùi相片去搜查,發現佇西安chhoā頭摃日本車的人,是新城警察分局胡家廟派出所所長。

 

無管是偌濟人聚集佇北京日本駐中國大使館門前,抑是聚集佇各大都市的日本駐中國領事館,抑是佇中國各大都市的日本公司工廠門口示威抗議,無管in喝:「還我釣魚台」、「抵制日本貨」抑是「踏平東京」,甚至有商店餐廳貼出公告:若喝「釣魚台是中國的」就打九折,若喝「日本是中國的」就打八折優待,攏是in的自由,甚至去到大使館、領事館門前khian雞卵khian石頭,抑是燒日本國旗,攏算是全世界示威抗議的基本形式,無人有話講。

 

中日雙方的生理人攏有計算,因為chit遍的示威遊行抗議,會大大影響中日兩國之間的貿易,會大大影響中日兩國之間的旅遊人客,che mā無人有話講。

 

但是,若擴大kah去拍日本料理店、日本商店、日系工廠,按呢tio̍h有小可超過囉,因為真濟日本料理店、商店、工廠並是完全日本人開的,內底有真濟是中國人的資金抑是中日合作的,按呢拍敢是家己拍家己?足戇。有報導講,開日本車mā hônghông摃,好笑的是有人指出報導出來的畫面,hit-ê起手kâng摃車的人穿的是日本名牌的衫,koh khah好笑的是,圍teh四箍圍翕相的人,大部分是the̍h CannonYashicaMinoltaSonyPentax等日本名牌翕相機,in那會無家己的翕相機先hám-hám害咧?按呢講起來自私的中國人mā m̄是特別戇。

根據英國廣播公司報導,九月十五,佇湖南省長沙市的中日合資百貨店「平和堂」一寡高級手表專賣店kah高級phoa̍h鏈手指專賣店的櫃台,͘示威遊行的人夯鐵棍仔lòng歹搶了了,koh kā放火燒;山東省青島市的日資百貨超市「佳世客」黃島店,͘夯鐵棍kah破壞工具的人入去破壞搶一寡手表等貴重商品;四川成都市有幾間「711(Seven-Eleven)便利商店,佇九月十四暗時kah十五早起,hông hám歹,部分商品hông搶去;深圳kah東莞的日本料理店kah壽司店͘遊行示威的人摃歹,日資企業的物流倉庫hông搶劫。

͘咱想起英國學者約翰生博士講的話:「愛國是流氓的上尾步。」

 
< Prev   Next >