首頁 arrow 綠色短評 arrow 值得咱尊敬的烏拉圭總統

值得咱尊敬的烏拉圭總統 PDF 列印 E-mail
發表者 李南衡   
2012/10/05, Friday
頂日,朋友傳一篇有相片有文字的好物件͘我,標題是:「勤儉簡樸͘我富足」,想講是一般教示人勤儉的文章,詳細看煞驚tio̍h,是紹介烏拉圭總統荷西.Mujica的故事。一開始就講,對拉丁美洲的各國總統來講,kah荷西.Mujica總統同時佇國際會議場合做夥出現,會感覺gāi-gio̍h gāi-gio̍h,因為伊自了m̄-batnekutái,身軀頂無穿半項名牌精品,koh khah歹勢的是chit-ê烏拉圭總統是歸個中南美洲上蓋受歡迎的總統。

 

荷西.Mujica總統今年七十九歲,佇一九六0至一九七0年代投入左派革命遊擊隊,前前後後͘軍政府掠去坐監十四年久,1985年,烏拉圭恢復民主化了後,才hông放出來。Tio̍h是因為有親像荷西.Mujica chit款人的拍拼賣命,今仔日烏拉圭才會成作全世界完全民主的二十五個國家內底的一個。1995年起伊作過參議員kah眾議員。2009͘人推捒出來競選總統的時,伊推辭講,叫我去作總統會使講是親像beh教豬仔歕品仔hiah呢困難。結果伊tī hit年十一月二九,以52.6%的得票率當選烏拉圭第四十任總統。2011.申報產財,佇首都蒙提美著(Montevideo)郊外有一間舊農舍kah兩塊田地、兩台1987年的龜仔車、兩台犂田機,銀行存款猶無夠美金二十萬(約新台幣六百萬)。當選總統了後拒絕搬入去總統官邸,伊講「He比我住過十四年久的監房加真大間,無合我住。」同時,伊拒絕日常生活中四箍圍有保鏢toè tiâu-tiâu抑是坐防彈轎車出入。那有人beh暗殺伊咧?伊逐工攏是家己駛hit台二十五歲的金龜仔車上下班。伊上愛歇睏日仔整理菜園、chhoā狗散步kah去看球賽。伊擔任國會議員的夫人講,伊就是chit款人,慣勢tio̍h好,伊無論做啥我攏感覺奇怪。伊就任總統隨時宣布,伊約一萬三千元美金(約新台幣三十九萬箍)的薪水,the̍h十分之九捐͘街友救助基金。伊講:「Chhun-ê一成tio̍h有夠我用ah,咱同胞內底猶有真濟人thàn無我薪水的一成hiah濟,我那會使講無夠用咧?」m̄-nā按呢,伊拍算將來mā beh kā退休金的一部分捐出去。

西班牙媒體以「全世界上蓋散鄉的總統」來報導伊。伊講,「我那有散鄉?講我散鄉的才是真正的散鄉。若是講我無幾項物件toh有影,總是,勤儉簡僕͘我感覺真富足。」

Chit款的總統實在值得咱尊敬,我拍九十分。設使伊若會tàng佇振興經濟chit方面koh khah拼勢,提高人民就業機會,減少失業者的街友人數,按呢,我會拍一百分。

 
< 前一個   下一個 >