首頁 arrow 綠色短評 arrow 美國免簽證m̄是真正免簽證!

美國免簽證m̄是真正免簽證! PDF Print E-mail
Written by 李南衡   
Friday, 12 October 2012
十月初三,總統府tio̍h指出,馬總統對美國宣佈台灣納入免簽證待遇表示肯定kah欣慰.講che表示「活路外交」的方向是正確的.而且,koh tī國慶日演講的時大大阿老台灣得tio̍h美國免簽證.

 

衛生署疾管局副局長施文儀佇伊的面冊頂面貼文表示:美國͘台灣的免簽是真正免簽證,只不過是「紙上作業」改作「旅行授權電子系統」(ESTA)而已,真正免簽是「機票買tio̍h、護照the̍h leh就會tàng飛去.」外交部隨時發布新聞稿反駁講:施先生是「嚴重扭曲事實」、「混淆視聽」,覺感真遺憾,特別提出澄清.而且講包括咱國在內的三十七國攏是按呢.

外交部無講無落氣!事實上,施先生講kah足清楚:第一,免簽就是免簽,chit遍美國宣布的是ESTA(旅行授權電子系統簽證);第二,tio̍h先上網填寫資料申請,而且tio̍h愛有電子信箱(e-mail)才有法度收tio̍h回批;第三,愛有晶片系統͘美方複查核對你所填的資料;第四,有效期間兩年,而且tio̍h刷卡付費;第五,干單͘台灣人用ESTA系統簽證,並無包括「中國人」抑是「中華民國人」.

有去日本、歐洲各國的人攏知影,免簽證就是照施先生所講的,「機票買tio̍h、護照the̍h leh就會tàng飛去.」無人事先抑是事後tio̍h koh刷卡付費.美國台僑政論家廖慶東講,原本簽證費新台幣四千八百箍、五年有效,chit遍改作ESTA收費美金七十四箍(差不多新台幣兩千二)、兩年有效.有啥差別?免納半錢才叫作「免簽」!咱去日本抑是歐洲各國免簽敢有納啥物錢?咱去日本抑是歐洲各國敢有事先填啥表、附一個電子信箱等伊回批批准?無啊!加拿大人去美國啥攏免,親像咱去日本抑是歐洲各國按呢,才會使講是「免簽證」.施先生會講干單͘台灣人用ESTA系統簽證,並無包括「中國人」抑是「中華民國人」.外交部講知施先生teh指啥物,講是「明顯有挑撥的意圖」.事實上是按呢,十月初二,美國國務院正式宣布美國政府批准台灣成怍免簽證計劃成員,佇美國國務院發言人的報告中,ùitio̍hTaiwan,中央Taiwan,到路尾是講Taiwan,完全無提起Republic of China(中華民國)國名,連一遍都無.意思真明,美國「免簽證」是beh hō͘住佇台灣兩千三百萬的台灣人民,國籍tio̍h填「台灣」.按呢你tio̍h知影真正「嚴重扭曲事實」、「混淆視聽」的是外交部.

雖然是美國政府的好意,͘台灣人會tàng kah世界其他三十六個國家仝款,the̍h tio̍h美國ESTA系統簽證,咱心存感謝.但是咱猶原tio̍h分清楚,ESTA系統簽證實在並是真正的免簽證.

 
< Prev   Next >