首頁 arrow 綠色短評 arrow 為母語拼死的人

為母語拼死的人 PDF Print E-mail
Written by 李南衡   
Friday, 26 October 2012
頂個月去Slovenia kah Croatia旅遊,無論是自然景色抑是歷史遺跡,攏一遍koh一遍͘人阿老kah tak舌。特別是天kah海清清清,那會súi kah chit款?莫怪領隊會講Croatia的天kah海是世界一的。

 

阮遊到Croatia第二大都市Split,去參觀羅馬帝國281年至305年的國王戴克里先(Diocletian)家己起的等退休了beh徛起的王宮。Khah好笑的是chit-ê迫害基督教出名的國王,死了陵墓囥佇王宮內底,今仔日成作基督教聖杜傑大教堂。

參觀了王宮,ùi上大的「金門」出去王宮的北旁,佇山坡有chhāi一身一千六百公分懸的銅像,表情真嚴肅,倒手the̍h一本聖經,正手的指指(kí-chái)指(kí)天,王宮內底的禮品店有賣銅像縮小版的尪仔。伊的銅像原本下佇Diocletian王宮內底,第二次世界大戰義大利佔領軍銅像徙出去王宮外口,戰後Croatia人才銅像chhāi佇現此時的所在。伊是Croatia全國大人囡仔攏batGregory,人叫伊「Nin的主教」。趣味的是傳說講,若摸伊的腳指頭仔,就會好運,致使歸身銅雕塑的銅像攏有生青色的銅銑,干單伊的腳指頭,特別是大拇公͘人摸kahsih-sih。除了Split以外,佇Croatia另外兩個城市chhāi chit位「Nin的主教」的銅像。

Nin現此時不過是一個人口一千兩百人的小鎮,八世紀末至九世紀初第一個Croatia王國成立的時,Nin是王城。九世紀以後Nin才開始有Croatia的第一位主教,雖然路尾幾個大都市有主教,不過Nin的主教佇歸個Croatia的宗教、文化kah政治上講話攏誠有力。十世紀初,GregoryNin的主教,相當得tio̍h當時國王的支持kah尊重。

Gregory, Nin的主教」kah教皇Ivan十世、教界的領導者無啥會合,伊一直希望佇望彌撒等宗教儀式中會tàngCroatia話來講道讀經。西元926年,教皇Ivan十世佇Split召開Croatia宗教領袖大會,期待會tàng對當時一寡教會制度作改革。但是教皇堅持tio̍h照傳統一律使用拉丁語,事實上大多數的信徒攏聽無拉丁語。927 kah 928年的宗教大會頂面,「Nin的主教」攏有koh提起用母語講道讀經chit項代誌,引起教皇真無歡喜,m̄-nā無任命伊作Split的大主教,顚倒廢除伊Nin的主教神職,派伊去一個草地所在,伊無照命令去就任。自按呢伊tio̍h失踨去ah,無人知影伊去位。歷史上攏無記載,總是Croatia人口口相傳千外年,攏講伊是為tio̍h Croatia母語犠牲生命,伊是͘教皇掠去斬頭死去的。

千外年來,Croatia人足懷念伊、尊稱伊是「Croatia語之父」。

 
< Prev   Next >