首頁 arrow 綠色短評 arrow 匪諜bih佇tó?

匪諜bih佇tó? PDF Print E-mail
Written by 李南衡   
Friday, 02 November 2012
想起當年佇中國大陸會敗kah「國軍轉進迅速,共匪追趕不及」的程度,(in bē見笑,撤退講作轉向後壁前進)中國國民黨政府走路來台灣以後,那像有痛心檢討,是按怎會「拍輸走嬴」全中國hiah大片土地免三年輸了了?檢討的結果是共匪太厲害,「匪諜」也tio̍h是「共匪的間諜」,深深滲透入去到軍隊、甚至政府各單位內底,「匪諜」那像比蝨母khah濟,致使佇白色恐怖的戒嚴時期,全台灣喝上大聲、上響的一句話是「匪諜to̍h佇你的身邊」,看你會驚bo̍h

 

佇寧可錯殺一百個mā bē使錯放一個的原則下,拍拼掠「匪諜」,一時有影掠kah臭青荒。Khah可憐的是,͘ inkah臭青荒的是「匪諜」,是好好人͘ in掠去拍kah變「匪諜」,數目是用千作單位,he是台灣一段足可惡的悲慘史。可惜民進黨執政八年,「轉型正義」做無夠,完全無去清算chit條數(siàu)

解嚴了後,真少人koh tehchit句「匪諜to̍h佇你的身邊」,逐個生活加真平靜、加真安心。但是che是講解嚴了台灣就無「匪諜」,有可能是因為khah無烏白掠人,真正的「匪諜」tio̍h 假那變khah少。

馬英九作總統以後,歸工kah中國teh使目尾,莫怪chit兩年佇台灣的匪諜koh直直puh出來。中央警察大學副教授吳彰裕蒐集中國民運人士來台灣的情資轉交͘中國,2011年九月三十破案。戇呆馬問講:是按怎警大副教授會作匪諜出賣國家咧?馬英九若真正beh問是問了!chit-ê案進前,2010年十一月初一破案的前軍情局上校情報官羅奇正案,賣情報͘中國,前前後後thàn千幾萬;2011年一月二五破案的陸軍司令部通資處少將羅賢哲匪諜案,是美國聯邦調查局報咱台灣調查局知的;今年三月破案的空軍蔣姓軍官匪諜案,伊國軍美軍監控中國飛行器的極機密內容交͘中國;今年十月底破案的海軍大氣海洋局前政戰處長張祉鑫中校等三人,五月退伍八月就去中國,台灣四箍圍的海域水文資料、海圖等資料交͘中國。媒體講:若開戰,台灣的軍艦全部隱死無活!嚴重的是,張中校是政戰官,負責「保密防諜」工作。早前講:「匪諜to̍h佇你的身邊」,今仔日你若問講:「匪諜bih?」萬萬無想tio̍h hit-ê叫咱按怎保密防諜ê政戰官本身就是「匪諜」,按呢台灣敢無夠危險?

《聖經》〈彼得前書〉五章8節上尾一句「teh chhōethang吞食ê。」改作:「teh chhōethang作匪諜的。」chit節話會變作:「Tio̍h節制,tio̍h警醒;lín ê對敵就是魔鬼,親像哮ê獅,四界行,teh chhōethang作匪諜的。」chit節話thang hō͘台灣人時時刻刻會記得共匪的厲害。

 
< Prev   Next >